წმინდა ირინე პირველ საუკუნეში ცხოვრობდა. მან მრავალი ტანჯვა დაითმინა ქრისტეს სჯულის დასაცავად, ბევრი სასწაული მოახდინა და ათასობით ადამიანი მოაქცია ჭეშმარიტ სარწმუნოებაზე.
დიდმოწამე ირინეს ნათლია პავლე მოციქულის მოწაფე - ტიმოთე მოციქული გახლდათ.
წმინდა ირინე სასწაულებრივად გადაურჩა წარმართი მმართველის მიერ მოწყობილ უამრავ განსაცდელს: გველებით სავსე ორმოს, რკინის ხერხებს, რომლებმაც ზიანი ვერ მიაყენა მის სხეულს. სასწაულთა ხილვისას კი მრავალი ათასი ადამიანი გაქრისტიანდა.
შეეწიოს დიდმოწამე ირინეს მადლი ყველა ქრისტიანს.