როცა დიდი უბედურება ხდება, ყოველთვის ჩნდება კითხვა, რატომ?
როცა დიდი უბედურება ხდება, ყოველთვის ჩნდება კითხვა, რატომ?
წალენჯიხის მაცხოვრის ფერისცვალების სახელობის ტაძრის წინამძღვარი დეკანოზი ანდრია კემულარია, სოციალურ ქსელში საზოგადოებას ბათუმში მომხდარი ტრაგედიის შესახებ გვესაუბრება:

- ყოველ მოვლენას, ტკივილიანსა თუ სასიხარულოს თავისი მიზანი აქვს.
"მო-ვინმე-სრულ იყვნეს მას ჟამსა ოდენ და უთხრეს მას [იესუს] გალილეველთა მათთჳს, რომელთაჲ-იგი სისხლი პილატე შეჰრია მსხუერპლთა მათთა. მიუგო იესუ და ჰრქუა მათ: ეგრე გგონიეს, ვითარმედ გალილეველნი ესე უფროჲს ყოველთა გალილეველთა იყვნეს ცოდვილ, რამეთუ ესევითარი ევნო მათ? გეტყჳ თქუენ: არა; არამედ უკუეთუ არა შეინანოთ, ეგრევე სახედ ყოველნი წარსწყმდეთ. ანუ იგი, რომელ ათრვამეტთა ზედა სილოამს გოდოლი დაეცა და მოსწყჳდნა იგინი, ჰგონებთ, ვითარმედ იგინი ხოლო თანა-მდებ იყვნეს უფროჲს ყოველთა კაცთა, რომელნი მკჳდრ არიან იერუსალჴმს? გეტყჳ თქუენ: არა; არამედ უკუეთუ არა შეინანოთ, ყოველნივე ეგრეთ წარსწყმდეთ." (ლკ.13:1-5)

როცა დიდი უბედურება ხდება, ყოველთვის ჩნდება კითხვა: რატომ? ვიღაც ადამიანებს ადანაშაულებს, ვიღაც ბუნებას, ვიღაც შემთხვევითობას მიაწერს. შეუძლებელია არ გეტკინოს, როცა აცნობიერებ ტკივილს მშობლისა, შვილისა, და-ძმისა, მეუღლისა. როგორ არ გეტკინება, როცა წარმოიდგენ ადამიანს, განწირულობაში მყოფს, რომელსაც დრო შეეკუმშა?!

არ შეუქმნია ღმერთს ტკივილი, ხრწნა, სიკვდილი; ცოდვამ შემოიტანა ეს ყოველი. მაგრამ, როცა ხდება მასობრივი ტრაგიკული დაღუპვა ადამიანებისა, არ შეიძლება იმის თქმა, რომ ეს ამ ადმიანების პიროვნული ცოდვის საზღაურია. უფალიც სწორედ ამას გვასწავლის: "ჰგონებთ, ვითარმედ იგინი ხოლო თანამდებ იყვნეს უფროჲს ყოველთა კაცთა, რომელნი მკჳდრ არიან იერუსალიმს? გეტყჳ თქუენ: არა". აქვე გვიცხადებს მიზეზს: "უკუეთუ არა შეინანოთ, ყოველნივე ეგრეთ წარწყმდეთ". ეს არის ის უმთავრესი, რასაც გვასწავლის უფალი, მისია, რომელიც აქვს განსაცდელს. გვასწავლის ტკივილის ენით, რადგან სხვა – რწმენის, სიყვარულის ენა თითქმის არ გვესმის. მიყავს უკეთესები, უმოკლებს დღეებს, განარიდებს წუთისოფელს, რათა არ გაისვარონ იმ გარემოში, რომელსაც ვქმნით ჩვენი ცოდვებით, უკეთურებით, გვიტოვებს ტკივილს გამოსაღვიძებლად. მიყავს ერთი, რათა გაიღვიძოს ათასმა და კვლავ გვიმეორებს: "უკუეთუ არა შეინანოთ, ყოველნივე ეგრეთ წარწყმდეთ".

ვიძინებთ და თითქმის არ ვფიქრობთ, რომ შეიძლება არ გაგვითენდეს; მივდივართ სადღაც და არ გვეფიქრება, რომ შეიძლება ვერც კი დავბრუნდეთ; ვკლავთ დროს უდებებით და დრო გვკლავს ჩვენ, გვაქცევს უნაყოფოდ. მაგრამ, დროდადრო ირღვევა ჟამთა ჩვეული სვლა და ხდება ისეთი რამ, რაც გაფხიზლებს და გეფიქრება: იქნებ, მეც ვერ დავბრუნდე, იქნებ ეს ბოლო დღეა, რითი წარვდგები, რითი გავმართლდე?! "ყოვლითა საქმითა შენითა მოიხსენე აღსასრული შენი და უკუნისამდე არა ჰსცოდო" (ზირაქ. 7,39) ბედნიერია ადამიანი, რომელსაც ეს ახსოვს. და, როცა გვავიწყდება, გვახსენებს უფალი.

"არამედ თმანიცა თავისა თქუენისანი ყოველნი განრაცხილ არიან" (ლკ.12:7), – ბრძანებს მაცხოვარი. ღერი თმისა არ ჩამოვარდება ადმიანის ღმრთის დაშვების გარეშე. ნება ღმრთისა არის ყოველთა განწმედა, სიხარულის მონიჭება, ცხოვნება და საუკუნო ნეტარებაში განსვენება. მაგრამ, როცა ვყრუვდებით, არ ვუტოვებთ განგებულების გამოვლენის სხვა გზას, გარდა ტკივილისა.
დღეს ჩვენს ქვეყანაში, საზოგადოებაში სიბილწის, გარყვნის, დაცემის სული მეფობს. ინგრევა ყოველივე ის, რაზეც საუკუნეების მანძილზე შენდებოდა ქრისტეანული საქართველო, რითიც იყო ფასეული ჩვენი ქვეყანა. შესაბამისად, იმატებს განსაცდელებიც. ეს ის რეალობაა, რომელსაც ჩვენ ვქმნით და ჩვენვე არ გვესმის. უფალმა დაიცვას ჩვენი ქვეყანა.

კაცთმოყვარებით განუსვენოს უფალმა მათ სულებს, ვისაც ასე ტრაგიკულად შეუმოკლდა მიწიერი ცხოვრება.
ბეჭდვაელფოსტა
06.01. 2018
ქეთი
ყველაფერს რაც მამაომ განმარტა იმ თვალით რომშევხედოთ მაშინ გამოდის რომ ის დამნაშავე ხალხიც უნდა გავამართლოთ თუ უფალი ამ ყველაფერს სამართლიანად უშვებს ვიღაცამ ხოუნდადაუშავოს გამოდის რომ ის ადამიანი რომელიც ამ უბედურებას ჩადის არაა დამნაშავე ეს ბიჭები კიდე ანგელოზები არიან რაც დღეს არაბულ ქვეყნებში ხდება შემზარა ხორცის და სულით დედა როგორ იყო ჩამოკიდებული თოკზე თავის სამ შვილთან ერთად ჩამომხრჩვალი და პატარა ბავშვებს რატომ კლავენ შიმშილით, ჩემი გაგებით ამყველაფერს არანაირი გამართლება არაქვს ვინცარუნდა ჩაიდინოს ვინცარუნდაიყოს და ყველა დამნაშავეა მსგავსი რამის გაკეთებისთვის კაცი რომ შვილს მოგიკლავს როგორ უნდა იყო მშვიდად
27.11. 2017
მაია
შეგვიწყალენ ჩვენ უფალო! დაუმკვიდრე სასუფეველი გარდაცვლილ სულებს.
სხვა სიახლეები
23.02.2018
არჩილ ალექსიშვილი მეტად ემოციურ თემას ეხება და ასეთ პოსტს აქვეყნებს:
23.01.2018
ქალაქი, რომელიც 15 ათასზე მეტი ქართველი ემიგრანტის სავანეა...

ქართველი თანამემამულე და ჩვენი მეგობარი ფიქრია კუჭუხიძე ათ წელზე მეტია ემიგრაციაშია...
13.01.2018
ახალი წლისთვის სვანეთში საგანგებოდ ემზადებოდნენ, მეკვლეც წინასწარ იყო შერჩეული. ვიდრე მეკვლე არ მივიდოდა ოჯახში არავინ მისცემდა თავს უფლებას ოჯახის მყუდროება დაერღვია.
07.11.2017
ჩვენ – მწყემსებს, დაე გვქონდეს სიღარიბე, ხალხს კი – მორჩილება. ამის შესახებ ათონის მთის დოქიარის მონასტრის იღუმენმა, არქიმანდრიტმა გრიგორი ზუმისმა განაცხადა.
10.10.2017
ანგელოზის დღეს - წმიდა მოწამის კალისტრატეს ხსენებას ვულოცავთ საქართველოს სამოციქულო მართლმადიდებელი ეკლესიის წმიდა სინოდის უპირატეს მღვდელმთავარს, მაღალყოვლადუსამღვდელოეს ქუთათელ-გაენათელ მიტროპოლიტს კალისტრატეს.
07.09.2017
უჩინარი მტერი უტევს ჩვენს სამშობლოს. კუთხე არ დარჩა საქართველოში, ცეცხლის კერა რომ არ მოდებოდა ულამაზეს ტყეებს.
17.08.2017
თამარ მეფის სიტყვა სამღვდელოების მიმართ:

"წმინდანო მამანო, თქვენ დადგენილნი ხართ ღვთისაგან მოძღვრებად და გამგებლებად ეკლესიისა,
15.08.2017
2008 წლის ომის დროს გორისა და სამთავისის ეპარქიის ეპისკოპოსმა და მღვდელ-მონაზვნებმა ერთხმად მიიღეს გადაწყვეტილება, დაბომბილ ქალაქში დარჩენილიყვნენ
14.05.2017
შენს წმინდა სახეს,
შვენებით სავსეს,
სახიერებით განსხივებულსა,
ვუმზერ კრძალვითა,
თაყვანცემითა,
ცრემლ-მორეული გემთხვევი ფერხთა!
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
დღესასწაულთან ერთად აღდგა ამ გზაზე ლოცვითი მსვლელობის წესი