ვეზირიშვილების სასახლე ინგრევა
ვეზირიშვილების სასახლე ინგრევა
ვეზირიშვილების სასახლის შესახებ შესაძლოა ბევრს არც კი სმენია. ეს ისტორიული სასახლე, რომელიც ხაშურის მუნიციპალიტეტში, სოფელ ოსიაურში მდებარეობს, დანგრევის პირასაა მისული. აღნიშნული სასახლე განათლებისა და მეცნიერების სამინისტროს ექვემდებარება. საზოგადოების ნაწილი შენობის მუზეუმად გარდაქმნას ითხოვს. ხაშურის ახალგაზრდული თვითმმართველობის წევრის, გიორგი ჩუბინიძის განმარტებით, ხაშურის მუნიციპალიტეტში ბევრი ისეთი მნიშვნელოვანი კულტურული ძეგლია, რომელიც უყურადღებობის გამო ინგრევა და ნადგურდება. აუცილებელია საზოგადოება, ჩაერთოს და ერთობლივად დავაფასოთ ის, რაც ისტორიამ გვარგუნა. ვეზირიშვილების სასახლე ერთ-ერთი საკმაოდ დიდი მნიშვნელობის მქონე ისტორიული შენობაა. სასახლეში თავადი ვეზირიშვილები ცხოვრობდნენ.. სასახლის თავადს, დიმიტრი ვეზირიშვილს ცოლად ჰყავდა რომანტიკოსი პოეტის, ნიკოლოზ ბარათაშვილის და, ბაბალე ბარათაშვილი.

KARIBCHE
ნიკოლოზ ბარათაშვილის დები – მარცხნიდან სხედან ბარბარე ვეზირიშვილისა, ნინო ბარათაშვილი, გიორგი (ბარბარეს შვილი), სოფიო სუმბათაშვილისა. დგანან ტასო ჩერქეზიშვილისა (ნათესავი), ნინო ვეზირიშვილი (ბარბარეს შვილი)

მათი მამა, ცნობილი თარჯიმანი მელიტონ ბარათაშვილი ამ სასახლეში გარდაიცვალა. ის აქვე წმინდა გიორგის სახელობის ეკლესიის ეზოშია დაკრძალული. სასახლეში ბავშვობის წლები გაატარა ნინო დიმიტრის ასულმა ვეზირიშვილმა, რომელიც შემდგომ ცოლად გაჰყვა ივანე მაჩაბლის ძმას, ვასილ მაჩაბელს. მათი ვაჟი კი ,,პრინც მაჩაბელად" წოდებული გიორგი მაჩაბელი იყო, რომელმაც აშშ-ში ცნობილი სუნამოების კომპანია დააარსა. სასახლე ბევრი გამორჩეული პიროვნების სახელთანაა დაკავშირებული და მისი ამ მდგომარეობაში ყოფნა დაუშვებელია. შესაძლებელია აქ მუზეუმიც განთავსდეს, ამისათვის კარგად უნდა იქნას შესწავლილი ეს შენობა და უნდა აღდგეს პირვანდელი სახით. ამისთვის კი საქართველოს განათლებისა და მეცნიერების სამინისტრომ და კულტურისა და ძეგლთა დაცვის სამინისტრომ ერთობლივად უნდა იმუშაონ. ხაშურის ახალგაზრდული თვითმმართველობა: "ვაპირებთ ვიმუშაოთ აღნიშნული საკითხის ადვოკატირების პროცესზე და ვეზირიშვილების სასახლის რეაბილიტაციის მოთხოვნისთვის ყველაფერი გავაკეთოთ".

KARIBCHE

ბეჭდვაელფოსტა
09.03. 2015
ლელი
საინტერესოა პრინც მაჩაბელს თუ დარჩა შთამომავლობა, და თუ არსებობენ მათი შთმომავალნი რატომ არ უჩნდებათ იგივე სურვილი აღადგინონ წინაპრების საცხოვრებელი, თუნდაც მუზეუმად???
სხვა სიახლეები
22.04.2019
თავისი შინაარსისა და საიდუმლოთა აღსრულების გამო, ვნების შვიდეულის ყოველ დღეს მართლმადიდებელმა ეკლესიამ "დიდი" უწოდა.
15.02.2019
2019 წლის 31 იანვრიდან 2 თებერვლის ჩათვლით, საქართველოს საგანგებო და სრულუფლებიანი ელჩი ზურაბ პატარაძე ვიზიტით იმყოფებოდა აზერბაიჯანის რესპუბლიკის კახის, ზაქათალისა და ბელაქნის რაიონებში.
20.01.2019
ხშირი საჯანმრთელო პარაკლისები და წმინდანების წინაშე ვედრება დიდ სასწაულებს და ნუგეშს მოგვიტანს
გვესაუბრება ბათუმის წმინდა ბარბარეს სახელობის
07.01.2019
-ჩვენ ვიცით, ანგელოზებმა, მწყემსებმა და მოგვებმა უფალს სხვადასხვა სახის ძღვენი მიართვეს.
27.10.2018
ჩვენ - ქართველები და საქართველოს შვილები
06.10.2018
პოეტ მარიამ ხუცურაულის პოსტი უნდა გაგაცნოთ - გულგრილი ნამდვილად ვერ დარჩებით:
01.09.2018
საქართველოში რობოტ სოფიას გამოჩენამ აზრთა სხვადასხვაობა გამოიწვია.
26.07.2018
ალექსი მოსიაშვილმა ფეიბუქ-გვერდზე პოსტი გამოაქვეყნა, რომელსაც ძალიან დიდი გამოხმაურება მოჰყვა, მისი ნებართვით ამ
25.07.2018
"მოუშუშებელი ტრაგედია," ასე ახასიათებენ ათენში, ატიკის აღმოსავლეთით "მატი"-ში ხანძრის მიერ გადაბუგულ ზონებს,
25.07.2018
ვუძღვნი ჩემს მოძღვარს, ფოთის საკათედრო ტაძრის
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
"იყუარებოდეთ ურთიერთას" - ქადაგებდა იოანე მახარებელი.
წმიდა მოციქული არ მოშორებია მოძღვარს, როცა იგი, შებორკილი, გეთსიმანიის ბაღიდან ანასა და კაიაფას სამსჯავროზე მიჰყავდათ, თან შეჰყვა მაცხოვარს მღვდელმთავრის ეზოში და მის დაკითხვას დაესწრო;