42 წლის ასაკში ცნობილი ქართველი მოჭადრაკე და საქართველოს ქალ მოჭადრაკეთა ნაკრების წევრი ნინო ხურციძე გარდაიცვალა, - ამის შესახებ ინფორმაციას სპორტალლ.გე ავრცელებს.

2017 წელს ცნობილი გახდა, რომ ნინო ხურციძე სიმსივნეს ებრძოდა, თუმცა სამწუხაროდ, მან დაავადების დამარცხება ვერ შეძლო.

ხურციძე მსოფლიო ჩემპიონი 16 და 20 წლის გოგონათა შორის იყო. მას 5 საჭადრაკო ოლიმპიადაზე, 3 მსოფლიოს გუნდურ ჩემპიონატზე და 7 ევროპის ჩემპიონატზე აქვს მონაწილეობა მიღებული.

ნინო ხურციძე მსოფლიო საჭადრაკო ოლიმპიადის სამივე სინჯის მედლის მფლობელია და საქართველოს 6-გზის ჩემპიონი, მათ შორის მამაკაცთა შორის და ასევე საქართველოს თასის მფლობელი.