მთელმა საქართველომ მიიღო ეს, როგორც უდიდესი ტრაგედია, - ამის შესახებ სრულიად საქართველოს კათოლიკოს- პატრიარქმა,
უწმინდესმა და უნეტარესმა, ილია მეორემ ბათუმში, სასტუმრო "ლეოგრანდთან" განაცხადა, სადაც გარდაცვლილთა სულების მოსახსენიებელი პანაშვიდი გაიმართა.
"მთელმა საქართველომ მიიღო ეს, როგორც უდიდესი ტრაგედია. საქართველოს ეკლესიის სახელით და პირველად ჩემი სახელით თანაგრძნობას ვუცხადებ ოჯახებს, ღმერთმა ნათელში ამყოფოს მათი უკვდავი სულები. ღმერთმა დალოცოს სრულიად საქართველო", - ბრძანა უწმინდესმა.
