პატრიარქი - ჩვენ წამოვიწყეთ დიდი საქმე, განახლება ჩვენი ცხოვრებისა, საქმიანობისა, ჩვენ ვეძებთ გზებს, რომელიც მიგვიყვანს კეთილ საქმეებთან
პატრიარქი - ჩვენ წამოვიწყეთ დიდი საქმე, განახლება ჩვენი ცხოვრებისა, საქმიანობისა, ჩვენ ვეძებთ გზებს, რომელიც მიგვიყვანს კეთილ საქმეებთან
ჩვენ წამოვიწყეთ დიდი საქმე, განახლება ჩვენი ცხოვრებისა, ჩვენი მოღვაწეობისა, საქმიანობისა. ჩვენ ვეძებთ გზებს, რომელიც მიგვიყვანს კეთილ საქმეებთან, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ყოვლადწმინდა სამების საკათედრო ტაძარში უფლის სამადლობელი პარაკლისის დაწყებამდე ქადაგებისას განაცხადა.
პარაკლისის დაწყებამდე პატრიარქმა სამების ახალგაზრდულ ცენტრში ქვეყნისთვის პრობლემატურ საკითხებზე დაინტერესებულ საზოგადოებასთან შეხვედრა გამართა, რომელიც დაახლოებით ორი საათი გაგრძელდა.

უწმინდესის თქმით, ისეთი ცხოვრება გვაქვს, რომ ადამიანებს შორის არის დაპირისპირება. პატრიარქმა განსხვავებული აზრის მქონე ადამიანების მიმართ პატივისცემის აუცილებლობაზე ისაუბრა, ასევე ისაუბრა უმადურობის ცოდვაზე.

"ჩვენ ვეძებთ გზებს, რომელიც დაგვაახლოებს. ახლა ისეთი ცხოვრება გვაქვს, რომ დაპირისპირება არის ადამიანებს შორის. ჩვენ ვართ ძმები, ჩვენ ვართ ახლობლები, ჩვენ უნდა გავუზიაროთ ერთმანეთს ჩვენი აზრი და თუ არ მოგვწონს სხვისი აზრი, უხეშად არ უნდა ვუპასუხოთ. ყველას აქვს თავისი განსხვავებული აზრი და უნდა ვიცოდეთ, რომ თუ სხვისი აზრი განსხვავებულია, შეიძლება ის შენზე უკეთესია. ერთ-ერთი ცოდვა, რომელიც გააჩნია ადამიანს, არის უმადურობა. ხშირ შემთხვევაში, როდესაც ადამიანს უკეთებ სიკეთეს და ის ბოროტად გპასუხობს, უმადურია. უმადური არ უყვარს არც ღმერთს და არც ადამიანს. ყოველდღე ადამიანმა მადლობა უნდა შესწიროს უფალს, რომ ცოცხალია, ფეხზე დგას, ოჯახს, ხალხს ეხმარება. გადავწყვიტეთ, რომ ყოველ შაბათს და არა ხუთშაბათს, 12:00 საათზე იქნება ღვთის სამადლობელი პარაკლისი. თუ ადამიანს არ აქვს დრო, ან რაღაც საქმეებით დაკავებულია, თავისი ლოცვა წაიკითხოს თავის სახლში, სამსახურში, შვილებთან ერთად. 12 საათზე ერი უნდა გამთლიანდეს ლოცვით ღვთის წინაშე. ეს არის პირველი პარაკლისი. მადლობა შევწიროთ ჩვენ უფალს, რომ ჩვენ ვართ, ვსაქმიანობთ, მადლობა შევწიროთ უფალს ოჯახისათვის, საქართველოსათვის. საქართველოს უნდა ჰქონდეს მშვიდობიანი ყოფა. მშვიდობა მოგცეთ მამაზეციერმა თქვენ და საქართველოს", - ბრძანა პატრიარქმა ქადაგებისას.

ღვთისადმი სამადლობელი პარაკლისის დაწყებამდე სამების ახალგაზრდულ ცენტრში შეხვედრა გაიმართა, რომელზეც პატრიარქი თავის ქადაგებებში საუბრობდა.
შეხვედრაზე უწმინდესმა ნიკორწმინდელი ეპისკოპოსი ვახტანგი სოფლის მეურნეობის საკითხებზე შექმნილი ჯგუფების ხელმძღვანელად დაადგინა. სოფლის მეურნეობის სხვადასხვა საკითხზე შექმნილი ჯგუფები იმუშავებენ სასულიერო აკადემიასთან, საპატრიაქროს ანდრია პირველწოდებულის სახელობის უნივერსიტეტთან და გამწვანების ინსტიტუტთან.
პატრიარქმა ასევე დაადგინა, რომ ყოველ შაბათს 10:00 საათიდან 15:00 საათამდე ქვეყნისთვის პრობლემატურ საკითხებზე შეხვედრები გაიმართება სამების ახლგაზრდულ ცენტრში. უწმინდესმა აღნიშნა, რომ შემდგომი შეხვედრა 7 ოქტომბერს, 10:00 საათზე გაიმართება.

"მოვამზადოთ საკითხები შემდგომ შაბათს, 10:00 საათზე შევიკრიბებით და ვიმსჯელებთ. ძალიან მომწონს თქვენი აზრები და მსჯელობა. ჩანს, რომ იცნობთ კიდევაც ამ საკითხებს", - განაცხადა უწმინდესმა.

შეხვედრაზე საუბარი იყო ასევე უცხოელებზე მიწის გასხვისების პრობლემაზე, მიწის დამუშავების, მოსწავლეებში შრომის კულტურის დანერგვის აუცილებლობაზე, ეკონომიკურ პრობლემებზე და წყლისა და ბუნებრივი რესურსების დაცვის აუცილებლობაზე.
ბეჭდვაელფოსტა
კომენტარი არ გაკეთებულა
სხვა სიახლეები
21.10.2017
17 ოქტომბერს საქართველომ სოხუმის გმირები მიაბარა მიწას...
24 წლის შემდეგ სამშობლოს მიწამ ჩაიხუტა ღირსეული, ქედმოუხრელი, წაუქცეველი ბიჭები, მტერმა რომ ვერაფრით დააჩოქა...
16.10.2017
ქეთევან დედოფლის წმინდა ნაწილები რუსთავში ჩააბრძანეს. სიწმინდეს ქალაქის შემოსასვლელში შეკრებილი მრევლი მიეგება, რის შემდეგაც დედოფლის წმინდა ნაწილები წმ.ვახტანგ გორგასლის სახელობის ეკლესიაში დააბრძანეს.
12.10.2017
57 წლის ასაკში გარდაიცვალა ცნობილი ქართველი კინომსახიობი - ლიკა ქავჟარაძე. ლიკა ქავჟარაძეს ქართულ კინემატოგრაფში შესრულებული აქვს არაერთი მნიშვნელოვანი როლი, მაგრამ მის მიერ შექმნილი "მარიტას" სახე სამუდამოდ აღიბეჭდა
12.10.2017
საქართველო სამოციქულო ავტოკეფალური მართლმადიდებელი ეკლესიის წმიდა სინოდის სხდომის ოქმი

თბილისი, 11.10.2017 წ.
საპატრიარქოს რეზიდენცია.
10.10.2017
საპატრიარქოში ხვალ წმინდა სინოდის სხდომა გაიმართება, - ამის შესახებ ინფორმაცია პატრიარქის მდივანმა, მიქაელ ბოტკოველმა დაადასტურა.
06.10.2017
ა.წ. 30 სექტემბერს სოფელ კუმურდოში მომხდარ ფაქტთან დაკავშირებით ერთობლივი მიმართვა (5 ოქტომბერი, 2017 წელი)
ახალქალაქის რაიონის სოფელ კუმურდოში,
04.10.2017
საპატრიარქომ ქეთევან დედოფლის ნეშტის საქართველოს რეგიონებში მოგზაურობის ოქტომბრის თვის სავარაუდო განრიგი გამოაქვეყნა:
03.10.2017
"კარიბჭისთვის" ცნობილი გახდა, რომ ტყიბულისა და თერჯოლის მიტროპოლიტი გიორგი უძლურებაში იმყოფება, მას რამდენიმე დღის წინ ინსულტი განუვითარდა.
01.10.2017
საქართველოს კათოლიკოს-პატრიარქმა უწმინდესმა და უნეტარესმა ილია მეორემ შაბათი ერთობისა და თანადგომის დღედ გამოაცხადა. ილია მეორემ სამების საკათედრო ტაძარში შეკრებილ მრევლს მიმართა, რომ ამ დღეს, დილის 10.00 საათიდან 15:00 საათამდე ყველაფერი გააკეთონ იმისთვის, რომ დაეხმარონ გაჭირვებულთ და სიკეთე გააკეთონ ქვეყნისთვის.
26.09.2017
წმინდა ნაწილები 400 წელზე მეტი ხნის განმავლობაში პირველად მოგზაურობს და პირველად არის საქართველოში.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ზეციდან მიწაზე სამი ნათლის სვეტი გარდამოვიდა, შუქმა გაანათა იქაურობა

წმიდა მოწამენი დავით და კონსტანტინე მხეიძეები არგვეთის მთავრები იყვნენ. 
საიტის პარტნიორები