თბილისში, აგლაძის ქუჩაზე მდებარე ილორის წმინდა გიორგის სახელობის ეკლესიის ეზოში გაჩენილი ხანძარი ლიკვიდირებულია.
ცეცხლი ეკლესიის ეზოში მდებარე ფარდულს გაუჩნდა, სადაც ცოლ-ქმარი ცხოვრობდა, მოგვიანებით კი ცეცხლი მიმდებარე ტერიტორიაზე ბალახს გადაედო.
ხანძრის შედეგად სულ 70 კვ.მ ფართობია დამწვარი. მომხდარის შედეგად არავინ დაშავებულა. ადგილზე ორი სახანძრო-სამაშველო ბრიგადა მუშაობდა.