პატრიარქი - მართალია მძიმე გზა გამოიარა ჩვენმა ერმა და ეკლესიამ, მაგრამ ძალა ღვთისა ფარავდა ყველაფერს
პატრიარქი - მართალია მძიმე გზა გამოიარა ჩვენმა ერმა და ეკლესიამ, მაგრამ ძალა ღვთისა ფარავდა ყველაფერს
მართალია მძიმე გზა გამოიარა ჩვენმა ერმა და ეკლესიამ, მაგრამ ძალა ღვთისა ფარავდა ყველაფერს, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სვეტიცხოველში, სადღესასწაულო წირვის დასრულების შემდეგ ქადაგებისას ბრძანა.

სვეტიცხოვლის ტაძარში ილია მეორის ანგელოზის დღესთან, წმინდა ილია თეზბიტელის დღესასწაულთან დაკავშირებით წირვა დასრულდა.
წირვის შემდეგ, პატრიარქმა მრევლს ტრადიციული ქადაგებით მიმართა და დღევანდელი დღე მიულოცა.

"როდესაც ჩვენ ვუყურებთ წარსულს და დღევანდელ დღეს, ჩვენ გვეთქმის მხოლოდ ერთი - დიდება და მადლობა უფალს ყველაფერისათვის. მართლაც მძიმე გზა გამოიარა ჩვენმა ერმა და ეკლესიამ, მაგრამ ძალა ღვთისა იყო ყველაზე ძლიერი, ძალა ღვთისა ფარავდა ყველაფერს და აი, მადლი ღვთისა და წყალობა ღვთისა სუფევს დღეს საქართველოში. ყველას გილოცავთ წმინდა ილია წინასწარმეტყველის დღეს, ყველას გილოცავთ წმინდა ილია მართლის დღეს. დალოცვილი და გახარებული გამყოფოთ მამაზეციერმა", - ბრძანა უწმინდესმა.

პატრიარქის ქადაგებამდე უწმინდესს ამბიონზე მიტროპოლიტმა ანანიამ (ჯაფარიძემ) მიმართა და მისი მოღვაწეობის 40 წელი შეაფასა. მეუფე ანანიას თქმით, ათეისტური რეჟიმის დროს საქართველოში ხალხს პირჯვრის წერის რცხვენოდათ და ეშინოდათ, სარწმუნოება მინავლებული და თითქმის გამქრალი იყო, ეკლესია - დამცრობილი. მეუფე ანანიას თქმით, პატრიარქმა ეკლესია უდიდეს სიმაღლეზე აიყვანა, ერი კი სულიერების დიდ საფეხურზე.
მისივე თქმით, ეკლესია უახლოვდება იმ მდგომარეობას, რომელშიც ჩვენი წმინდა ეკლესია სვეტიცხოველში განსვენებულ მეფეთა დროს იმყოფებოდა, მეფე მირიანის, ვახტანგ გორგასლის და სხვათა დროს, როდესაც ეკლესიას საზოგადოებაში ღირსეული ადგილი ეკავა.

ტაძარში ასევე იმყოფებოდნენ ბერი ანდრიას სახელობის ფონდის წევრები, სოლიდური სიმსივნით დაავადებული ბავშვები და მათი მშობლები, რათა პატრიარქისთვის ანგელოზის დღე მიელოცათ.
ბეჭდვაელფოსტა
16.08. 2017
ელენე
იხაროს და იდღეგრძელოს, უწმინდესმა, ამინ.......
08.08. 2017
თამარი
დიდება უფალს....დღეგრძელობა და ბევრი სიხარული ჩვენს უწმინდესს, ნათელი გონება და უანგარო სიყვარულის მადლი ჩვენს ერს...
სხვა სიახლეები
16.10.2017
ქეთევან დედოფლის წმინდა ნაწილები რუსთავში ჩააბრძანეს. სიწმინდეს ქალაქის შემოსასვლელში შეკრებილი მრევლი მიეგება, რის შემდეგაც დედოფლის წმინდა ნაწილები წმ.ვახტანგ გორგასლის სახელობის ეკლესიაში დააბრძანეს.
12.10.2017
57 წლის ასაკში გარდაიცვალა ცნობილი ქართველი კინომსახიობი - ლიკა ქავჟარაძე. ლიკა ქავჟარაძეს ქართულ კინემატოგრაფში შესრულებული აქვს არაერთი მნიშვნელოვანი როლი, მაგრამ მის მიერ შექმნილი "მარიტას" სახე სამუდამოდ აღიბეჭდა
12.10.2017
საქართველო სამოციქულო ავტოკეფალური მართლმადიდებელი ეკლესიის წმიდა სინოდის სხდომის ოქმი

თბილისი, 11.10.2017 წ.
საპატრიარქოს რეზიდენცია.
10.10.2017
საპატრიარქოში ხვალ წმინდა სინოდის სხდომა გაიმართება, - ამის შესახებ ინფორმაცია პატრიარქის მდივანმა, მიქაელ ბოტკოველმა დაადასტურა.
06.10.2017
ა.წ. 30 სექტემბერს სოფელ კუმურდოში მომხდარ ფაქტთან დაკავშირებით ერთობლივი მიმართვა (5 ოქტომბერი, 2017 წელი)
ახალქალაქის რაიონის სოფელ კუმურდოში,
04.10.2017
საპატრიარქომ ქეთევან დედოფლის ნეშტის საქართველოს რეგიონებში მოგზაურობის ოქტომბრის თვის სავარაუდო განრიგი გამოაქვეყნა:
03.10.2017
"კარიბჭისთვის" ცნობილი გახდა, რომ ტყიბულისა და თერჯოლის მიტროპოლიტი გიორგი უძლურებაში იმყოფება, მას რამდენიმე დღის წინ ინსულტი განუვითარდა.
01.10.2017
საქართველოს კათოლიკოს-პატრიარქმა უწმინდესმა და უნეტარესმა ილია მეორემ შაბათი ერთობისა და თანადგომის დღედ გამოაცხადა. ილია მეორემ სამების საკათედრო ტაძარში შეკრებილ მრევლს მიმართა, რომ ამ დღეს, დილის 10.00 საათიდან 15:00 საათამდე ყველაფერი გააკეთონ იმისთვის, რომ დაეხმარონ გაჭირვებულთ და სიკეთე გააკეთონ ქვეყნისთვის.
28.09.2017
ჩვენ წამოვიწყეთ დიდი საქმე, განახლება ჩვენი ცხოვრებისა, ჩვენი მოღვაწეობისა, საქმიანობისა. ჩვენ ვეძებთ გზებს, რომელიც მიგვიყვანს კეთილ საქმეებთან, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ ყოვლადწმინდა სამების საკათედრო ტაძარში უფლის სამადლობელი პარაკლისის დაწყებამდე ქადაგებისას განაცხადა.
26.09.2017
წმინდა ნაწილები 400 წელზე მეტი ხნის განმავლობაში პირველად მოგზაურობს და პირველად არის საქართველოში.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31
ზეციდან მიწაზე სამი ნათლის სვეტი გარდამოვიდა, შუქმა გაანათა იქაურობა

წმიდა მოწამენი დავით და კონსტანტინე მხეიძეები არგვეთის მთავრები იყვნენ. 
საიტის პარტნიორები