კვირას, 11 ივნისს, ყოველთა წმიდათა ხსენებას "პანტანასას" ღვთისმშობლის დედათა მონასტერში გამობრძანებული იქნება ორასამდე წმინდა ნაწილი, მათ შორის ცხოველსმყოფელი ჯვრის, მაცხოვრის სამსჭვალის, ღვთისმშობლის კვართის, იოანე ნათლისმცემლის, იოანე ოქროპირის, პეტრე და პავლე მოციქულების, წმიდა გიორგის და სხვა წმინდანთა წმინდა ნაწილები. სიწმინდეებს ტაძარში დაახლოებით საღამოს 4 საათზე დააბრძანებენ და 2-3 საათის განმავლობაში იქნება დაბრძანებული. გილოცავთ ყოველთა წმიდათა ხსენებას! შეგეწიოთ ყველა წმინდანის მადლი!