28 მაისიდან, საქართველოს რეგიონებში მოსალოცად ყოვლადწმინდა ღვთისმშობლის აწყურისა და ივერიის ღვთისმშობლის ხატები მოგზაურობენ. ხატები სამების საკათედრო ტაძრის ხარების ეკლესიიდან წააბრძანეს. მათ ყაზბეგში, სტეფანწმინდის რაიონში, კერძოდ დარიალის ხეობაში, სნოში  საქართველოს კათოლიკოს-პატრიარქი, ილია მეორე დახვდა.







სტეფანწმინდიდან ხატები დღეს ნიქოზში გადააბრძანეს.



აწყურისა და ივერიის ყოვლადწმინდა ღვთისმშობლის ხატები საქართველოს რეგიონებში ერთი წელი და 4-თვე იმოგზაურებს. ეს მსვლელობა საქართველოს ეკლესიის ავტოკეფალიის საიუბილეო თარიღს - ავტოკეფალიის აღდგენის 100 წლისთავს, საქართველოს კათოლიკოს პატრიარქის აღსაყდრებიდან 40 წლისა და დაბადებიდან 80 წლისთავს უკავშირდება.