მოსკოვში ქართველი ექიმი გმირულად დაიღუპა
მოსკოვში ქართველი ექიმი გმირულად დაიღუპა
მოსკოვის ოლქში 9 მარტს ტრაგიკულად დაიღუპა ქართველი ექიმი-გინეკოლოგი ნანა ადამაძე. 68 წლის ქალბატონმა სიკვდილს გადაარჩინა სმენადაქვეითებული მოხუცი, რომელიც მატარებლის ლიანდაგზე იდგა და მატარებლის მოახლოება ვერ გაიგო. ნანა ადამაძე რელსებისკენ გაიქცა, მოხუცს ხელი ჰკრა, მაგრამ თვითონ დაიღუპა.

თვითმხილველები ჰყვებიან, რომ ტრაგედია სადგურ "პერლოვკაზე" მოხდა. მოხუცს არ ესმოდა ადამიანების ყვირილი და მატარებლის საყვირის ხმა სიყრუის გამო. მხილველების თქმით, ნანა ადამაძე მატარებელმა ნაწილებად აქცია, მოხუცი კი ვერც ხვდებოდა რა მოხდა და გზა გააგრძელა.

"ნანა ადამაძე იყო არაჩვეულებრივი ადამიანი, მაღალკვალიფიციური სპეციალისტი, ჰყავდა ბევრი მადლიერი პაციენტი. იგი უყვარდათ და აფასებდნენ არა მხოლოდ ცოდნისა და გამოცდილებისათვის, არამედ დიდი სიკეთისა და დელიკატურობისათვის, ოპტიმიზმისა და სიცოცხლის სიყვარულისთვის. ის არასოდეს ყოფილა გულგრილი სხვისი პრობლემების მიმართ. ყოველთვის მზად იყო დასახმარებლად. ნანამ ექიმად 40 წელი იმუშავა. იგი საქართველოში დაიბადა, ქალაქ სოხუმში, დაამთავრა იაროსლავლის სამედიცინო ინსტიტუტი", - იხსენებენ მისი კოლეგები კლინიკა "ისიდაში" - იმ სამედიცინო ცენტრში, სადაც ნანა ადამაძე ბოლო 12 წლის განმავლობაში მუშაობდა.

ნანა ადამაძე 1948 წელს დაიბადა მედიკოსთა ოჯახში. მისი დედა
სოხუმის სამშობიარო სახლის დირექტორი იყო. ნანაც მის კვალს გაჰყვა, იაროსლავლის სამედიცინო ინსტიტუტის დამთავრების შემდეგ ამავე სამშობიაროში მეან-გინეკოლოგად მუშაობდა. ის იმდენად ყურადღებიანი ექიმი ყოფილა, რომ პაციენტები მის სახელს არქმევდნენ ახალშეძენილ გოგონებს. ნანას მეუღლე გაზეთ "საბჭოთა აფხაზეთის" რედაქტორი იყო. ნანას ქალ-ვაჟი - ქეთა და გიორგი შეეძინა. აფხაზეთის ომის დროს ფსკოვში გადავიდნენ საცხოვრებლად, სადაც მათი მეგობრები ცხოვრობდნენ. ნანას მეუღლე სულ ახალგაზრდა, 50 წლის ასაკში გარდაცვლილა. ამის შემდეგ ნანა შვილებთან ახლოს, მოსკოვის ოლქში გადავიდა საცხოვრებლად.

ნანა ისე გარდაიცვალა, როგორც ცხოვრობდა - ამბობს მისი რძალი, გიორგის მეუღლე, ელენა ადამაძე - ის ყველას მშველელი და გადამრჩენელი იყო. როცა ოპერაციის დროს პაციენტებს სისხლი სჭირდებოდათ, თავად გარბოდა დონორთა პუნქტში და მაქსიმუმს იღებდა ყოველთვის.
ცოტა ხნის წინ ნანა კოლეგებს უამბობდა, რომ მისი ქალიშვილი - ქეთა, რომელიც ამჟამად საბერძნეთში ცხოვრობს, მალე მესამე შვილიშვილს გაუჩენდა. მაგრამ ვეღარ მოესწრო. სამაგალითო ქართველი ექიმი ფსკოვში დაკრძალეს მეუღლის გვერდით.


ბეჭდვაელფოსტა
19.03. 2017
ვაჟა შავლიაშვილი
საქართველო არის და იქნება მანამ ასეთი მამულიშვილები სანთლებად ანთიან სამშობლოს საამაყოდ.
17.03. 2017
ლგ
მართლა გმირობაა,ალბათ რუსეთმა ეს უნდა დააფასოს.ნათელში მისი ხსოვნა! ეს კარგი ადამიანების ხვედრია!ძალიან შემეცოდა. იქნებ სატელევიზიო გადაცემა გააკეთოს ვინმემ!!!
სხვა სიახლეები
22.06.2017
სოფელ ქანდის ცამეტი ასურელი მამის სახელობის მონასტერის წინამძღვარი, სქემარქიმანდრიტი სერაფიმე (ბით-ხარიბი) ასეთ სასიხარულო განცხადებას ავრცელებს:
18.06.2017
მსოფლიოს ბოლომდე არ ესმის ქრისტიანობის მნიშვნელობა, მართლმადიდებლობის მნიშვნელობა.
18.06.2017
დღეს ხშირი შემთხვევაა, როცა აკრიტიკებენ ეკლესიას. არ უნდა შეგვეშინდეს ამის, - ამის შესახებ სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა
18.06.2017
საქართველო არის უძველესი მონარქია. კონსტიტუციურ მონარქიას სიმშვიდე შემოაქვს ქვეყანაში, - ამის შესახებ სრულიად საქართველოს კათოლიკოს-პატრიარქმა,
17.06.2017
კოლუმბიაში პირველად სამმა მამაკაცმა ოფიციალური ქორწინება გააფორმა. ხელისუფლებამ ამ ახალ კავშირს მიანიჭა ყველა სამოქალაქო უფლება, რაც ტრადიციულ ოჯახებს გააჩნიათ.
17.06.2017
ვატიკანის რადიო იტყობინება, რომ პაპმა ფრანცისკემ წერილი მისწერა კონსტანტინოპოლის პატრიარქ ბართლომეს წმინდა ბართლომეს დღესასწაულთან დაკავშირებით.
17.06.2017
როდის იქნება საყოველთაო ნათლობის მორიგი, 49-ე ეტაპი? ამ კითხვით ჩვენი ვებ-გვერდის არაერთმა მომხმარებელმა მოგვმართა. ვესაუბრეთ ნათლობის სარეგისტრაციო კომისიის წარმომადგენელს და მან ასეთი ინფორმაცია მოგვაწოდა:
16.06.2017
ცოტა ხნის წინ "კარიბჭე" გატყობინებდათ, რომ სურამისა და ხაშურის ეპარქიის მღვდელმთავრის - მეუფე სვიმეონის კურთხევით, ხაშურში, მე-7 საჯარო სკოლის ტერიტორიაზე შენდება 12 მოციქულის სახელობის ტაძარი.
16.06.2017
გამოვთქვამთ ჩვენს გულისტკივილს იმ დამოკიდებულების გამო, რაც საინგილოში, კახის რაიონში, მდებარე ქურმუხის წმინდა გიორგის ეკლესიის მიმართ განხორციელდა.
16.06.2017
რამდენიმე დღის წინ ქალაქ სოჭში ზღვის სანაპიროზე მყოფი ადამიანები მეტად უცნაური მოვლენის მომსწრენი გახდნენ: რამდენიმე დელფინი მოცურავდა ნაპირისკენ და მოაცურებდა რაღაც "საგანს".
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30
ცაგერისა და ლენტეხის მიტროპოლიტი სტეფანე (კალაიჯიშვილი):

სინდისის ხმა ადამიანის მამხილებელია.
საიტის პარტნიორები