კრეტაზე მიმდინარე კრების მსვლელობისას აზრთა სხვადასხაობა წარმოიშვა ერთ-ერთი დოკუმენტის თაობაზე.
ეს გახლავთ: "მართლმადიდებელი ეკლესიის დამოკიდებულება დანარჩენი ქრისტიანული სამყაროსადმი". ამის შესახებ საიტი რომფეა.გრ იტყობინება.
"ჩვენ ბევრი რამ გვაქვს გასაკეთებელი. შესაძლოა ეს ტექსტი არ გავიდეს. ნებისმიერ შემთხვევაში დოკუმენტი უნდა განვიხილოთ მთელი დღის განმავლობაში" - განაცხადა კრების მონაწილე ერთ-ერთმა იერარქმა.
მართლმადიდებელ ეკლესიათა დელეგაციები ამ დოკუმენტს დილიდან განიხილავენ, თუმცა აზრთა სხვადასხვაობის გამო კონსენსუსს ვერ მიაღწიეს.
