ყვარელში უძველეს ეკლესიაში 1 200 წლის ნაკურთხი წყლით სავსე ქვევრი აღმოაჩინეს
ყვარელში უძველეს ეკლესიაში 1 200 წლის ნაკურთხი წყლით სავსე ქვევრი აღმოაჩინეს
არქეოლოგებმა ყვარელში, V საუკუნის სამნავიან ბაზილიკაში მიმდინარე არქეოლოგიური გათხრების დროს, VIII საუკუნის წყლით სავსე ქვევრი აღმოაჩინეს. არქეოლოგიური ექსპედიციის ხელმძღვანელის, ნოდარ ბახტაძის თქმით, ლაბორატორიული შემოწმებით დადგინდა, რომ 1 200 წლის წინანდელი წყალი აბსოლუტურად სუფთაა და სასმელად ვარგისია, რაც იმის თქმის საფუძველს იძლევა, რომ წყალი ნაკურთხია.

"ჯორჯიან ვოთერ ენდ ფაუერის" ლაბორატორიაში მივიტანეთ წყლის სინჯი, გამოიკვლიეს და ნახეს, რომ ბაქტერია არ არის, სუნი და გემო შეცვლილი არ აქვს. ასევე დაადგინეს, რომ ეს არის წყაროს წყალი და არა წვიმის. სახლში მაქვს და ვსვამ ხოლმე. მეუფემაც წაიღო, საპატრიარქომაც. ამის დადგენა ცხადია შეუძლებელია ნაკურთხია თუ არა, მაგრამ ამაზე ჩვენ ვართ პასუხისმგებელი. 1 200 წლის განმავლობაში წყალი რომ არ გაფუჭდება, ნაკურთხია, სხვა რა უნდა იფიქრო", - განუცხადა კახეთის საინფორმაციო ცენტრს ნოდარ ბახტაძემ.

სამნავიანი ბაზილიკა, რომელშიც ქვევრი იპოვეს, ყვარელში, დოლოჭოპის ნასოფლარზე ნოდარ ბახტაძემ 2012 წელს აღმოაჩინა. მისი თქმით, აღნიშნული ტაძარი მეფე ვახტანგ გორგასალის დროს არის აშენებული. ის კავკასიაში ყველაზე დიდი ბაზილიკაა და თავისი მნიშვნელობით გამორჩეულია. არქეოლოგებმა გათხრების შედეგად ბაზილიკის ქვეშ კიდევ ერთი, IV საუკუნის ეკლესია იპოვეს.

"V საუკუნის სანახევროდ დანგრეული ეკლესია ბუჩქნარით იყო დაფარული, მხოლოდ ამოშვერილი ქვები ჩანდა, სპეციალისტი თუ არ ნახავდა, ვერ მიხვდებოდა, რომ ეს შეიძლება მნიშვნელოვანი ნანგრევები ყოფილიყო. ეს არის ძალიან დიდი ბაზილიკა, 44 მეტრი სიგრძის და 29 მეტრი სიგანის. ასეთი დიდი ტაძრები მხოლოდ რომაულ სამყაროშია. ეკლესია VIII საუკუნეში მურვან ყრუს შემოსევის შედეგად დაინგრა", - აღნიშნა ნოდარ ბახტაძემ.

არქეოლოგიური ექსპედიციის ხელმძღვანელის თქმით, წყლით სავსე ქვევრი საუკუნეების განმავლობაში ნანგრევებში იყო დამარხული და მისი პოვნა მანამდე ვერ მოხერხდა, სანამ იატაკი არ გათხარეს.

KARIBCHE

"ქვევრი ეკლესიაში, დარბაზის შუაში მდებარეობს. ასეთ ადგილას ტაძრებში ნაკურთხი წყალი ინახებოდა ხოლმე. ეს ბაზილიკა იყო საკათედრო ტაძარი, სადაც ნეკრესის ეპარქიის ეპისკოპოსი იჯდა. აქედან ნაკურთხი წყალი სხვა ეკლესიებში მიჰქონდათ. ქვევრს მაღლიდან ნანგრევების გარდა კერამიკის, ჭურჭლის ნატეხებიც ეყარა. ეკლესიის დანგრევის თარიღის და ამ ნივთების საფუძველზე დავადგინეთ, რომ ეს წყალი და ქვევრი მე-8 საუკუნის არის. არქეოლოგებმა ვიცით, რომელ საუკუნეში რა ნივთები გამოიყენებოდა", - განუცხადა კახეთის საინფორმაციო ცენტრს ნოდარ ბახტაძემ.

წყლიანი ქვევრი ამ დროისთვის დაკონსერვებულია. ნოდარ ბახტაძის თქმით, კულტურული მემკვიდრეობის სააგენტო ტაძრის რეაბილიტაციას გეგმავს.

"ამ დროისთვის ტაძრის კონსერვაცია მიმდინარეობს, მაგრდება, მეტად რომ აღარ ჩამოინგრეს. კონსერვაციასაც და გათხრებსაც კულტურული მემკვიდრეობის სააგენტო აფინანსებს. წელს გათხრები დასრულდება, ბევრი აღარაფერია სამუშაო, უკვე ვასუფთავებთ ტერიტორიას და შემდეგ ტაძრის რეაბილიტაცია დაიწყება. ეს ტაძარი ტურისტული ობიექტი გახდება, მარტო იმიტომ არა, რომ ნაკურთხი წყალი აღმოჩნდა, ტაძარია თვითონ ძალიან მნიშვნელოვანი, ასეთი ეკლესია საქართველოში და ახლომახლო ტერიტორიაზე არ არის. რაც შეეხება ქვევრს, ტაძარში დარჩება. მისი წაღება არ შეიძლება, იქ უნდა იყოს. იმ ადგილს თავისი მადლი აქვს, წმინდა მეფის აშენებული ტაძარია", - განაცხადა ნოდარ ბახტაძემ.

წყარო:
http://www.ick.ge
http://www.kvirispalitra.ge
ბეჭდვაელფოსტა
კომენტარი არ გაკეთებულა
სხვა სიახლეები
15.02.2019
საზოგადოებრივი ორგანიზაცია "ჰერეთის ეროვნული აღორძინება" განცხადებით მიმართავს საქართველოს
13.02.2019
განა მაცხოვარი ჯვარს არ აცვეს ან დღეს ჩვენი უდიდესი შეცოდებებით არ ვუპირისპირდებით, უფალს?!
11.02.2019
ადამიანმა განვითარება საკუთარი თავით უნდა დაიწყოს, - ამის შესახებ სრულიად საქართველოს კათოლიკოს-პატრიარქმა სამების ტაძარში
10.02.2019
მთელს მსოფლიოში ეძებენ, რას ეძებენ თვითონაც არ იციან. უპირველეს ყოვლისა ჩვენ ვეძიოთ მადლი ღვთისა,
05.02.2019
თურქეთის დედაქალაქ ანკარას წმ. ტერეზას სახელობის ტაძარში ქართული წირვა-ლოცვა პირველად შესრულდა.
04.02.2019
საოკოპაციო ხაზთან მდებარე სოფელ ნიქოზის განაპირას, ე.წ. მესაზღვრეებმა ცხინვალისა და ნიქოზის ეპარქიის სასულიერო პირი,
30.01.2019
ჩვენ განვიხილეთ ბევრი დეტალი. რაც მთავარია, გამოიკვეთა მათი კორექტული პოზიცია ჩვენი ეკლესიის მიმართ, - ამის შესახებ საპატრიარქო ტახტის მოსაყდრემ, მიტროპოლიტმა შიომ ჟურნალისტებს საპატრიარქოსთან განუცხადა,
30.01.2019
უკრაინის ეკლესიასთან დაკავშირებით მოვლენები ვითარდება ძალიან სწრაფად. სხვადასხვა ეკლესიებს აქვთ ამ მოვლენებზე თავისი შეფასება: ზოგს ძალიან მკვეთრი, ზოგი უფრო თავშეკავებული.
30.01.2019
უკრაინის ეკლესიასთან დაკავშირებით მოვლენები ვითარდება ძალიან სწრაფად. სხვადასხვა ეკლესიებს აქვთ ამ მოვლენებზე თავისი შეფასება: ზოგს ძალიან მკვეთრი, ზოგი უფრო თავშეკავებული.
30.01.2019
მსოფლიო საპატრიარქოს დელეგაციის წარმომადგენლების ვიზიტს აქვს ძალიან დიდი მნიშვნელობა, მაგრამ არ უნდა ვიფიქროთ, რომ ასეთი ვიზიტებით შესაძლებელია ერთმნიშვნელოვნად, სინოდის ყველა წევრი ერთ აზრზე დადგეს.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28
ორ სა ოთ ხუ პა შა კვ
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28
2019 წლის 31 იანვრიდან 2 თებერვლის ჩათვლით, საქართველოს საგანგებო და სრულუფლებიანი ელჩი ზურაბ პატარაძე ვიზიტით იმყოფებოდა აზერბაიჯანის რესპუბლიკის კახის, ზაქათალისა და ბელაქნის რაიონებში.