ღირსი ბენედიქტეს კონდაკი:
მადლითა ღმრთისათა განმსდიდრდი შენ, ხოლო საქმენი განამტკიცენ ჩინებისა და გამოსჩნდი, ბენედიქტე, სათნო ქრისტეს ღმრთისა ლოცვათა და მარხვათა შინა, და აღივსე საღმრთოთა ნიჭითა სულისათა, სნეულთა მკურნალო და განმდევნელო ეშმაკთა, ხოლო მსწრაფლშემწეო სულთა ჩუენთა.

ჯვრის თაყვანისცემა
ტროპარი: აცხოვნე უფალო ერი შენი და აკურთხე სამკვიდრებელი შენი, ძლევაჲ ჯუარითა ბარბაროზთა ზედა ღმრთივდაცულსა ერსა ჩუენსა მოანიჭე და საფარველსა ქუეშე მისსა დაიცევ, რაჲთა ვიტყოდეთ: უფალო, დიდებაჲ შენდა.

კონდაკი: არღარა სცავს ედემისა ბჭეთა მახვილი მოტყინარე, არამედ მიჰრიდა ჯუარსა შენსა, ხოლო ძელმან ჯუარისა შენისამან, მხსნელო, სიკუდილი მოკლა და ჯოჯოხეთი შეფქვა, რომლითა მიხვედ მათდა და ეტყოდი: მკვიდრნო ქუესკნელისანო, აღმოგვალედ კუალად სასუფეველად.