მღვდელმოწამე მეთოდიოსის, პატარელი ეპისკოპოსის
ტროპარი: სისხლი შენი, ბრძენო, საიდუმლოდ ღაღადებს ქუეყანით, ვითარცა აბელისა ღმრთისა მიმართ, ღმრთივგანბრძნობილო მღდელმთავარო მეთოდი, ცხადად მქადაგებელო ღმრთის განხორციელებისაო; ამისთვისცა არცხვინენ საცთურსა ორიგენისსა და მიიცვალე ზეცისა სასძლოსა; ევედრე ქრისტესა ღმერთსა, რაითა აცხოვნნეს სულნი ჩუენნი.

კონდაკი: ვითარცა რა მღდელმან და მესაიდუმლოემან წმიდისა სამებისამან, უფროის გონებისა საღმრთონი იგი სიტყუანი ქადაგენ და მართლმადიდებელთა იქმენ სიმტკიცე, მეთოდი, ხოლო გონებასა ბოროტად მადიდებელთასა ამხილენ და წინაშე ქრისტესსა ანგელოზთა თანა სდგა; ევედრე მას ცხორებად სულთა ჩუენთა.