მთაწმინდის მამა დავითის ტაძრის წინამძღვარი, არქიმანდრიტი იოანე (კიკვაძე): -მამაო,რა არის თანამედროვე ადამიანის პრობლემა?
- უფალი გვაფრთხილებს,
ქვეყანა ბოროტებასა ზედა დევსო. ძალიან დიდი სიფრთხილე, სიფხიზლეა საჭირო იმისთვის, რომ მიწვდე შენი ცხოვრების არსს და სწორად განსაზღვრო მიმართულებები. თვინიერ ეკლესიის სწავლებისა ვერავინ გადარჩება. ვინც ღებულობს ეკლესიის სწავლას და აღასრულებს ცხოვრებაში ის გადარჩება. თანამედროვეობაში ძალიან ბევრი საცდურია. იმდენად ბევრი, რომ როგორც მამა სერაფიმ როუზი ამბობს, ძალიან გვიანაც. ეს პერიოდი არის აპოკალიფსური, ყველა ნიშნით. თითქოს შენს წინაშე დგას და ხედავ დაღუპვასაც და გადარჩენასაც.
