მეგზურის იგავი
მეგზურის იგავი
2010 წლის მაის-ოქტომბერში ხელოვნების აკადემიამ ჩაატარა ლიტერატურული კონკურსი 16 წლამდე მოზარდებს შორის. ჟიურის თავმჯდომარე გახლდათ მწერალი გურამ დოჩანაშვილი. კონკურსში გაიმარჯვა ნანა აბულაძემ, რომლის ნაწარმოებსაც ახლა ვთავაზობთ "კარიბჭის" მკითხველს.

იყო მეუფე მოწყალე და სამართლიანი ქვეყანასა ერთსა. ერთხელ ჩამოვიდა თავისი საყდრიდან და შეიმოსა, ვითარცა უბრალო ადამიანი, და დატოვა სასახლე ძვირფასი და გავიდა ხალხში. იხილა კაცი ერთი, რომელიც აბგაში აწყობდა საჭმელს და ჰკითხა:

- რასა იქმ, ძმობილო?

კაცმა მიუგო:

- მეორე ქალაქში უნდა წავიდე და მცირე საგზალს ვიმზადებ.

- მეც იქ მივდივარ. შენ გამოგყვები, რაკი ერთი გზა გვქონია.

- კეთილი. მაშინ დღეს შებინდებისას წავიდეთ, - უთხრა კაცმა.

- უმჯობესი იქნება, თუ ხვალ დილამდე მოვიცდით, რაღა ღამით ვიმგზავროთ...

არ ირწმუნა კაცმა მეუფისა და უკუნეთში გაუყვნენ შარას. მხოლოდ მთვარე ასხივებდა სინათლეს მზისას...

გაიარეს მცირე მანძილი და გზა ორად გაიყო: ერთი დაბურულ ტყეში გადიოდა, მეორე კი ეკალ-ბარდებს შორის მიმავალი ბილიკი იყო.

- წავიდეთ ამ გზით, - ბილიკზე მიუთითა მეუფემ.

- არა, ეკლები დაგვკაწრავს, - იუარა კაცმა, - ტყეში შევიდეთ.

- ნუთუ ტყეში ნადირი არ იქნება?

- ნადირს ახლა სძინავს, ამიტომ განვიზრახე, ღამით გვემგზავრა.

- მხეცნი სწორედ ღამით გამოდიან სანადიროდ, - მშვიდად უთხრა მეუფემ.

კვლავ არ დაუჯერა კაცმა და შევიდნენ უსიერ ტყეში. იყნოსა დამშეულმა მგლების ხროვამ, აბგაში საგზალი რომ ჰქონდა კაცს და შემოარტყა ალყა კბილთა ღრჭენით.

- გადაუგდე მახალაკი მგელთა და გამომყევი მე! - ჰრქვა მეუფემან კაცსა.

- უკუეთუ გადავუგდო და დავრჩე მშიერი? - ეჭვით იკითხა კაცმა.

ეცნენ მგლები. აბგაც გაიტაცეს და მარჯვენა ფეხიც შეიწირეს კაცისა და განშორდნენ.

ეგდო კაცი მიწაზე და კვნესოდა. შემდეგ მიმართა მეუფეს:

- შენი ბრალია ყოველივე, რადგან არ აიღე ქვა ანუ ტოტი ხისა და არ განდევნე მხეცნი!

ხოლო მეუფემან მკაცრად მიუგო:

- მოყვასო, მე შენ გიჩვენე ნათელი, შენ კი ბნელში სვლა არჩიე; გიჩვენე გზა ჭეშმარიტი, შენ კი არ გაჰყევი მას; მიმყავდი სიცოცხლისკენ, რომელსაც ამქვეყნიური საგზალი ამჯობინე. განა არ იცი, სიყმილისგან გახელებულ ნადირთ ქვების სროლით ვერ მოიგერიებ, კიდევ უფრო გაამწარებ მხოლოდ. მე ვარ შენი ერთგული მეგობარი, ვინაიდან კარგი მსურს შენთვის, შენ კი არ გიყვარვარ, რამეთუ ბრმა ხარ; მე ვარ მოძღვარი, რადგან გაძლევ რჩევებს, ხოლო შენ არ მისმენ; და თუ ყოველივე ამის მერე არ ხარ კმაყოფილი, ამაში მე ნუღარ მადანაშაულებ!

კაცს თვალები აუწყლიანდა და შეჰღაღადა:

- შემინდე, უფალო, რამეთუ ვერ გიცანი!

ხოლო მეუფემან მისცა მას ხელი, წამოაყენა, შეუდგა მხარში და შეწევნითა მისითა კაცმა მშვიდობით ჩააღწია მეორე ქალაქს.

ნანა აბულაძე
ბეჭდვაელფოსტა
კომენტარი არ გაკეთებულა
სხვა სიახლეები
24.05.2018
საოცარი სილამაზით შესრულებულ ხელნაკეთ ნამუშევრებს გარდაბნის რაიონში მდებარე სოფელი ვახტანგისის წმინდა ნიკოლოზის მონასტრის წევრები წარმოადგენენ.
20.04.2018

ცაგერისა და ლენტეხის მიტროპოლიტი სტეფანე (კალაიჯიშვილი) - წმიდა ილია მართლის "განდეგილის" სულიერი გააზრებისათვის


წმ. ილია მართლის "განდეგილის" შესახებ მრავალი დაიწერა

25.12.2017
დედამიწაზე რჩეულნი მცირედ
და ჩინებულნი მრავლად არიან,
11.12.2017
არამეულის შემდეგ მამა სერაფიმემ ქართულად პირველად იგალობა - ლამაზი საგალობელი,
10.05.2017
გთავაზობთ ნანა ფერაძის გუნდის მიერ შესრულებულ საგალობლებს. ამ უნიკალური შესრულებით უკვე მსოფლიოს მრავალი ქვეყნის ადამიანები მოიხიბლნენ. უფალმა დალოცოს ჩვენი კულტურა
30.10.2016
-საათივით აწყობილ სამყაროში ყოველთვის მეტის დანახვა მინდოდა, ვიდრე ამას საკუთარი თვალებით ვახერხებდი.
23.02.2016
საბრალო მარიამი, თავისი ნაღვლიანი გამომეტყველებით, ყოველთვის მოღუშული და ჩაფიქრებული ბავშვის შთაბეჭდილებას ტოვებდა ხოლმე.
23.01.2016
შვილო, ახლა ზამთარი და სუსხია ჩვენთან, მაგრამ შეშა ჯერ ბვრი გვაქვს, არ ინერვიულოთ. მე და მამაშენი ყოველ დილით 6 საათსა და 30 წუთზე ვდგებით, წინდებს ამოვაცმევ ხოლმე ბეჩავს,
06.01.2016
ოცდახუთსა დეკემბერსა, ალილო,
ქრისტე იშვა ბეთლემსაო, ალილო
ანგელოზთა გუნდი გალობს, ალილო,
23.12.2015
დიდება მაღალთა შინა ღმერთსა, ქვეყანასა ზედა მშვიდობა და კაცთა შორის სათნოება.
გიგალობთ შენ, გაკურთხევთ შენ, თაყვანის გცემთ, დიდების გმეტყველებთ შენ და გმადლობთ შენ დიდისა დიდებისა შენისათვის.
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ღმერთმა დალოცოს და გააძლიეროს ქართველი ხალხი, რომელიც ბურჯია რეგიონში მართმადიდებლობის და ქრისტიანობის,