ნუგეში
ნუგეში
გათენდა. ისე, როგორც გუშინ. როგორც გათენდება ხვალ.

ჩემთვის კი დღე - სასწაული დადგა.

გათენდა უშენოდ.

მე შენთან მინდა. მინდა და მოვდივარ, შვილო.

სადღაც ძველი გუდა მოვიძიე. შიგ ჩავყარე ჩემი დარდი, სევდა, წუხილი და გაუსაძლისი ტკივილით წელში ორად მოხრილმა, შენთან მოსასვლელ გზას დავუწყე ძებნა.

უცებ ციდან ანგელოზი დაეშვა. გზა გადამიღობა და მზერა ჩემს მხრებს მიაპყრო.

- გიჭირს? მძიმეა?!

- ჰო, - ვუპასუხე თავჩაქინდრულმა.

მერე გუდაში ჩაიხედა და გაოცებულმა მკითხა:

- ნუთუ მარტო სევდით იყო აღვსილი შენი წარსული? უფლის წყალობა რად დაივიწყე? სად არის სიხარულში განვლილი წლები?

წამში გაიარა ჩემს თვალწინ შენით მონიჭებულმა ბედნიერმა დღეებმა და ტვირთი შემიმსუბუქდა. წელში გავიმართე და თვალები ანგელოზს მივაპყარი.

- შენ რჩეული ხარ. მხოლოდ რჩეულთა ხვედრია, ის განიცადოს, რაც განიცადა ღვთისმშობელმა. ისე ეტკინოს, როგორც ეტკინა ყოვლადწმინდას. მშვიდად აღიღო ჯვარი თვისი კურთხეულმა და მოთმინებით განვლო სავალი გზა. გზა, რომელიც შენ გაგიკვლია. მიჰყევი მის ნატერფალს. ეგ გუდა, ზურგზე რომ გკიდია, ჯერ კიდევ ასავსებია, - მანუგეშა და გაუჩინარდა.

წინ, ჰორიზონტზე, გზა გაიჭიმა. სადღაც შორს, ცის კართან, ჭეშმარიტი ნათელი კრთოდა. იქ შენ იდექი და მელოდი, შვილო.

გზაზე კი უხვად ეყარა პატარ-პატარა მოციმციმე წერტილები, რომლებიც ნაბიჯის გადადგმის საშუალებას არ მაძლევდნენ. დავიხარე და დავიწყე მათი აკრეფა. ვკრეფდი და გუდაში ვყრიდი. ზოგი სიხარულის იყო, ზოგი - დარდის, ზოგი - ბედნიერების, ზოგიც - ტკივილის.

დღესაც მივყვები ამ გზას და ვავსებ გუდას.

გათენდა...

უშენოდ...

მე შენთან მინდა. მინდა და მოვდივარ, მაგრამ წერტილს წერტილი ემატება და კიდევ წერტილი...

მადონა ნატრიაშვილი
ბეჭდვაელფოსტა
09.06. 2018
ტასო
მ ა გ ა რ ი ა
სხვა სიახლეები
12.11.2018
არტურ ლეისტი გაზეთში "ბახტრიონი" ( N10, 1922 წ), გადმოგვცემს, რომ "ოთარაანთ ქვრივი" იყო უკანასკენლი ნაწარმოები ილიასი.
24.05.2018
საოცარი სილამაზით შესრულებულ ხელნაკეთ ნამუშევრებს გარდაბნის რაიონში მდებარე სოფელი ვახტანგისის წმინდა ნიკოლოზის მონასტრის წევრები წარმოადგენენ.
20.04.2018

ცაგერისა და ლენტეხის მიტროპოლიტი სტეფანე (კალაიჯიშვილი) - წმიდა ილია მართლის "განდეგილის" სულიერი გააზრებისათვის


წმ. ილია მართლის "განდეგილის" შესახებ მრავალი დაიწერა

25.12.2017
დედამიწაზე რჩეულნი მცირედ
და ჩინებულნი მრავლად არიან,
11.12.2017
არამეულის შემდეგ მამა სერაფიმემ ქართულად პირველად იგალობა - ლამაზი საგალობელი,
10.05.2017
გთავაზობთ ნანა ფერაძის გუნდის მიერ შესრულებულ საგალობლებს. ამ უნიკალური შესრულებით უკვე მსოფლიოს მრავალი ქვეყნის ადამიანები მოიხიბლნენ. უფალმა დალოცოს ჩვენი კულტურა
30.10.2016
-საათივით აწყობილ სამყაროში ყოველთვის მეტის დანახვა მინდოდა, ვიდრე ამას საკუთარი თვალებით ვახერხებდი.
23.02.2016
საბრალო მარიამი, თავისი ნაღვლიანი გამომეტყველებით, ყოველთვის მოღუშული და ჩაფიქრებული ბავშვის შთაბეჭდილებას ტოვებდა ხოლმე.
23.01.2016
შვილო, ახლა ზამთარი და სუსხია ჩვენთან, მაგრამ შეშა ჯერ ბვრი გვაქვს, არ ინერვიულოთ. მე და მამაშენი ყოველ დილით 6 საათსა და 30 წუთზე ვდგებით, წინდებს ამოვაცმევ ხოლმე ბეჩავს,
06.01.2016
ოცდახუთსა დეკემბერსა, ალილო,
ქრისტე იშვა ბეთლემსაო, ალილო
ანგელოზთა გუნდი გალობს, ალილო,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
ჟურნალი
ჟურნალის ბოლო ნომრები:
13 ნოემბერს მართლმადიდებელი ეკლესია 100 ათასი მოწამის ხსენების დღეს აღნიშნავს.