წმინდა პატაპიოსის მონასტერი საბერძნეთში, ათენისგან მოშორებით საკმაოდ შემაღლებულ ადგილზე მდებარეობს. მონასტრამდე მისასვლელად ჯერ შემაღლებული კიბეები უნდა გაიაროთ. მაღალი კიბის ავლის შემდეგ თვალწინ უმშვენიერეს მონასტერში შევდივართ . იქაურობას მეტ მადლს ჰფენს წმინდა პატაპიოსის უხრწნელი სხეული. წმინდანის უხრწნელი სხეული ხის სარკოფაგშია ჩაბრძანებული, ზემოდან შუშითაა დაფარული. წმინდა სხეულთან მიახლება და მისი ნახვა ყველა მომლოცველს შეუძლია. ტაძარში უამრავი კანდელი ანთია. წმინდა მამისგან ნუგეშის მისაღებად მონასტერში მრავალი ადამიანი მოდის და რწმენით მისულებს უნუგეშოდ არავის ტოვებს. წმინდა პატაპიოსის დედათა მონასტერში მოღვაწობს ქართველი მონაზონი, დედა ოლიმპიადა. წმინდა მამისგან ნუგეშის მისაღებად მონასტერში მრავალი ადამიანი მოდის და რწმენით მისულებს უნუგეშოდ არავის ტოვებს. 1952 წელს აღმოაჩინეს წმინდა პატაპიოსის წმინდა სხეული და აქ დედათა მონასტერიც დააფუძნეს. მონასტერს წმინდა პატაპიოსის სახელი ეწოდა.
დედა ოლიმპიადა
ავტორის ფოტოები
