მღვდელ სქემმონაზონი თეოფილე სალოსი 1788 წელს დაიბადა კიევის გუბერნიაში, ქალაქ მახნოვეში. დედას არ უყვარდა და ყრმობიდანვე ცდილობდა, სახლს გარიდებოდა. შვიდი წლისას მშობლები დაეხოცნენ, მაგრამ ეკლესიამ იზრუნა მასზე და სასულიერო სასწავლებლის საწყის კლასში ჩაირიცხა. სასულიერო სასწავლებლის დამთავრების შემდეგ 1810 წელს, დიაკვნად გაამწესეს ქალაქ ჩიგირინში. ორი წლის შემდეგ მორჩილად შედგა კიევში ბრატსკის მონასტერში. 1821 წელს მონაზვნად აღიკვეცა თეოდორიტეს სახელით. დროთა განმავლობაში ის მონასტრის იკონომოსად დაადგინეს. ღირს მამას მეუდაბნოება სურდა, მაგრამ ამის უფლება არ მისცეს, მაშინ უდიდესი ღვაწლი -ქრისტესთვის სალოსობა იტვირთა. 1834 წელს მან თეოფილეს სახელით სქემა შეიმოსა. უფალმა მას წინასწარმეტყველების მადლი უბოძა და გარდაცვალებამდე ორი წლით ადრე ის კიტაევის უდაბნოში დასახლდა. წმინდა თეოფილე 1853 წლის 28 ოქტომბერს გარდაიცვალა.

..............................................

ამავე დღეს რუსეთის მართლმადიდებელი ეკლესია იხსენიებს. მღვდელმოწამეებს: პრესვიტერ კონსტანტინე ბოგოიავლენსკის (+1918); პრესვიტერ ნიკოლოზ პორეცკის (+1918)