წმინდა კვინტიანე როდეზის (რუფენის) ეპისკოპოსად აირჩიეს. როდეზიდან ის გუთებმა მუქარით გააძევეს, რადგან ეჭვი ჰქონდათ, რომ ის მათ მოწინააღმდეგე ფრანკებს მხარს უჭერდა. წმინდა კლერმონში ჩავიდა, სადაც ის გულთბილად მიიღო ეპისკოპოსმა წმინდა ევფრასიმ. ეფროსისა და აპოლინარის სიკვდილის შემდეგ კვინტიანემ მეფე თეოდორიხ I-ის ბრძანებით, კლერმონის კათედრა ჩაიბარა. წმინდანმა უფლისგან სასწაულქმედების მადლი მიიღო და მრავალი განკურნა სნეულებისგან და ასე სულიერად სრულქმნილი გარდაიცვალა. ის დაკრძალეს კლერმონში სენტ ეტიენის ეკლესიაში საკურთხევლის მარცხნივ. მისი ცხოვრება და მოხდენილი სასწაულები აღუწერია წმინდა გრიგოლ ტურელს "წმინდანთა ცხოვრებაში".