წმინდა იოაკიმე ანტიოქიის პატრიარქად აირჩიეს 1580 წელს. შემდეგ მხარდაჭერის მიღების მიზნით ვლახეთში იმოგზაურა. ის მონაწილეობდა სახელგანთქმულ ლვოვის საძმოს დაარსებაში. 1586-1587 წლებში მოწყალების შესაგროვებლად ჩავიდა რუსეთში და დათანხმდა, რომ ხელს შეუწყობდა მოსკოვის საპატრიარქო კათედრის შექმნას. წმინდა იოაკიმე ფანატიკოსმა მუსულმანებმა აწამეს ჯებელ დრუზეში. წმინდა იოაკიმეს შესახებ სვინაქსარებში არაფერია თქმული, იგი მხოლოდ პატრიარქ მაკარი III იბნ ალ-ზაიმის (+1672) "ანტიოქიის პატრიარქების ისტორიაში" იხსენიება.