ტროპარი: სუეტ მოთმინებისა ქმნილი, ებაძვე პირველმამათა, ღირსო, იობს - ვნებათა შინა და იოსებს - განსაცდელთა და უხორცოთა მოქალაქობასა, მყოფი ხორცთა შინა, მამაო წმიდაო სვიმეონ, ევედრე ქრისტესა ღმერთსა შეწყალებად სულთა ჩუენთათვის.
კონდაკი: ზენათა ძიებითა ქუენათა შეერთებული და ცად მეორედ სუეტისა აღმმართებელი, ამათ მიერ თანამზრახვალ ანგელოზთა იქმენ შენ, ნეტარო, მათ თანა ქრისტესა ღმერთსა ევედრე დაუცხრომელად ჩუენ ყოველთათვის.
