ტროპარი: იშუებს ტირონი და განსცხრების ღუაწლთა შენთა სიმრავლესა, მხნეო თეოდორე ღირსო, აღმოსდის კურნებაი სასწაულთა შენთა და ჩუენ, მგალობელთა შენთა, გვითხოვე ქრისტესგან დიდი წყალობაი.
დიდ არიან სარწმუნოებისა საკვირველებანი, რამეთუ ალსა მას შინა ცეცხლისასა, ვითარცა წყალსა განსვენებისასა, წმიდა მოწამე თეოდორე იხარებდა, რამეთუ ცეცხლსა შინა შეიცხო, ვითარცა პური ტკბილი, და შეწირულ იქმნა წინაშე სამებისა; მისითა მეოხებითა, ქრისტე ღმერთო, აცხოვნენ სულნი ჩუენნი.
კონდაკი: სარწმუნოებაი ქრისტესი, ვითარცა ჯაჭვი, შეიმოსე, ჰოი მრავალმოღუაწეო თეოდორე, შინაგან გულსა შენსა და წინააღმდგომნი ძალნი დააკუეთენ, და დასცენ ბომონნი, და ვითარცა უძლეველი მხედარი, გვირგვინითა შეიმკვე, საუკუნითგან მაღლით გარდამო.
