ტროპარი: ბრწყინვალედ განშუენდების დღეს ყოველი ქუეყანაჲ, და ეთიოპია უმეტეს განსცხრების, ვითარცა გვირგვინითა შემკობილი შენ მიერ, ხოლო ბრწყინავს დღესასწაულიცა ხსენებისა შენისაჲ, ღმრთისმეტყუელო ფილიპე, რამეთუ ყოველთა სარწმუნოებაჲ ქრისტესი გუასწავე, და კეთილად აღასრულე სახარებაჲ, ღირსო, ვინაჲცა კადნიერად აღიპყრობენ ხელთა ეთიოპელნი ღმრთისა მიმართ, რომელსა ევედრე მონიჭებად ჩუენდა დიდი წყალობაჲ.

კონდაკი: ვითარცა მოწაფემან და მოყუარემან შენმან და მობაძავმან ვნებათა შენთამან, სოფელსა შინა ღმრთად გქადაგა შენ, ღმრთისმეტყუელმან ფილიპე, ოხათა მისთა მიერ მტერთაგან უშჯულოთა ეკლესიაჲ შენი და ყოველნი ქალაქნი შენნი დაიცევ ღმრთისმშობელისა მიერ, მრავალმოწყალე.