ქვემო ბოლნისის წმინდა გიორგის სახელობის მონასტერი - VI საუკუნის ძეგლი, ე.წ. სამეკლესიანი ბაზილიკა, მდებარეობს ბოლნისის სიონისკენ მიმავალი გზიდან 7 კმ. დაშორებით და UNESCO-ს ძეგლთა ნომინაციაშია დასახელებული. დანგრეული თაღებისა და სამონასტრო ცხოვრების აღდგენა სულ რამდენიმე წლის წინ მოხდა, ახლა, ღვთის წყალობით და მეუფე ეფრემის კურთხევით ვითარდება მონასტერი. თუმცა მიუხედავად 1500 წლოვანი ისტორიისა და უდიდესი მადლისა, რომელიც აქ სუფევს, მონასტერი მომლოცველების სიმცირეს განიცდის. ეს კი იმიტომ, რომ ბევრმა არც კი ცის მისი არსებობის შესახებ. თუ ბოლნისის გზაზე მოხვდებით, აუცილებლად მოილოცეთ ეს უნიკალური ტაძარი. შეგეწიოთ წმინდა გიორგის მადლი!