სამების ტაძარი ნანგრევებად იყო ქცეული და სოფლის მოსახლეობამ ააშენა. წინაპართა გადმოცემით, სოფლის სახელი სამებიდან მოდის. დროთა განმავლობაში სახელწოდებაში ერთმა ბგერამ ცვლილება განიცადა და სამებელის ნაცვლად მივიღეთ სანებელი. როგორც ვედრებისა და სანებლის მონასტრების მწირველმა მღვდელმსახურმა, იღუმენმა თეოდოსიმ (ხაჩიძე), საუბრისას აღნიშნა, მომავალში სამების ტაძრის აღდგენა და იქვე სკიტური მამათა მონასტრის დაფუძნებაა გათვალისწინებული.
რაც შეეხება მეორე ტაძარს, მისი გასუფთავებისას აღმოჩენილი იქნა წმინდა ნიკოლოზის ხატი და ამის გამო, მეუფე იობის ლოცვა-კურთხევით, ტაძარი წმინდა ნიკოლოზის სახელზე ვაკურთხეთ. წმინდა ნიკოლოზის ტაძარი მოწყალე ხალხის დახმარებით აშენდა. არიან ადამიანები, რომლებმაც დიდი ყურადღება გამოიჩინეს ამ ღვთის სათნო საქმეში. პირველ რიგში მინდა მადლიერება გამოვთქვა თქვენი რედაქციის მიმართ. უდიდესი დახმარება გაგვიწია ასევე ბიჭიკო იშხანიშვილმა, ავთანდილ თოთლაძემ, როლანდ შავიძემ, გიორგი ბიძინაშვილმა, რომელიც "ეკო ფუდის" ერთ-ერთი დამფიძნებელია. "ეკო ფუდის" ფირმა დღესაც გვერდით გვიდგას. ტაძრისთვის მრავალი შემოწირულბა გაიღო, ასევე "სანტეს" ფირმამ, და დავით არევაძემ, ბაქარ დევდარიანმა, ლევან დანდლიშვილმა, ზურაბ ფურცელაძემ. აღვნიშნავ ასევე კეხიჯვრის მცხოვრების, გოდერძი მეტრეველის დახმარებას. ეს ადამიანები შესაძლებლობის ფარგლებში გვერდით გვედგნენ და უფლისა და მათი შეწევნით ერთად ავაშენეთ წმინდა ნიკოლოზის ტაძარი. მონასტრის საძმო გვედგა გვერდით, განსაკუთრებით - სქემმონაზონი არსენი.
დღეს მონასტერში ექვსი წევრი ცხოვრობს. მონასტრის ტიპიკონის მიხედვით ცისკრის ლოცვას დილის 4 საათზე ვიწყებთ. 11 საათზე ტრაპეზი გვაქვს, შემდეგ მორჩილებები. ხუთის ნახევარზე ვისვენებთ, ხოლო 5 საათზე საღამოს ლოცვა, მეეცხრე ჟამნი, მწუხრი მოდის. 6 საათზე, საღამოს ტრაპეზია, რის შემდეგაც საღამოს ლოცვა, სერობაა. დიდი იმედი გვაქვს, რომ სოფელზე დადებითად აისახება ჩვენი მოღვაწეობა. უფრო მეტი ადამიანი მოვა ღვთის სახლში და ეზიარება ქრისტეს სისხლსა და ხორცს.
ვისაც სურვილი აქვს შეეწიოს სოფელ სანებელში მშენებარე წმინდა ნიკოლოზის სახელობის მამათა მონასტერს, გთავაზობთ ანგარიშის ნომრებს:
საქართველოს ბანკი: GE10BG0000000247225500
"თბს" ბანკი: GE68 TB71 8274 5062 1000 03
"ლიბერთი" ბანკი: GE93LB0711153379118000
მიმღები გელა ხაჩიძე (იღუმენი თეოდოსი).
აქვე გთავაზობთ მამა თეოდოსის ტელეფონის ნომერს: 551 49 80 94.
შეგეწიოთ წმინდა ნიკოლოზის მადლი!
