ჭაღარა ბავშვის სისპეტაკე...
ჭაღარა ბავშვის სისპეტაკე...
წამიერი გარინდება...
ფიქრები, ფიქრები, უკიდეგანო ფიქრები...
ჟამის სამი განზომილების სევდა...
ერთი თვალის დახამხამებაში გადაქარტეხილებული სიცოცხლე...
ერთ დროს ნიავივით მსუბუქი ქუთუთოების ფარდის მიღმა გამკრთალი ტკბილსევდიანი ზმანება...
ბეღურასავით აჟივილხივილებული პატარაობა დედის კალთასთან, ნაოცნებარი ფერადი სამყაროს უსაზღვროდ იმედიანი ჰორიზონტი...
მერე წუთისოფლის ნარ-ეკლიანი ბილიკებით სისხლდადენილი გზა...
წლები...წლები...ლოცვებში ნათმენი და ნატანჯი ღამენათევი უსასრულობა...
მთიდან გადმოვარდნილი წყაროსავით მზის ანარეკლში გაბნეული ბავშვური ოცნებები...
დაღლილი, დაღლილი სხეული...
ნაგვემი სხეულის უხმო გოდება...
საგალობელში მოხმობილი უფალი და შვება, როგორც გაბნეული ოცნებების ნავსაყუდელი...
გაბავშვებული სული, მთისთვის ჩვეული სიჯიუტით შემონახული სისპეტაკე...
ამ გაბავშვებით გადარჩენილი გულის სიწმინდე...
მძიმე ჯვარისგან მოხრილი ქედის ტკივილებში მარგალიტივით შემონახული პატარაობა, როგორც სინათლე ამა სოფლის წყვდიადით მოსილ ლაბირინთებში...
ღამის მყუდროებაში, ჩამოღვენთილი სანთლის ფარვანასავით მოცახცახე ალის მიღმა, სახარების უკვდავი სტრიქონები...
აპოკრიფებში, დახუჭულ თვალების მიღმაც აღბეჭდილი სიბრძნე - დარჩი ბავშვივით სუფთა, გაიბავშვე სული და გადარჩები...
რა ძნელია ტყვიასავით დამძიმებული ქუთუთოების აწევა, როცა გარინდებულს და პატარებთან ჩახუტებულს, თვალწინ გაგიელვებს ტკბილი ბავშვობა, დედ-მამის ალერსიან მზერაში ჩარჩენილი და ტკივილამდე მონატრებული...
ეჰ...ვინ გაცდის ამდენს...
ვინ დაგაცდის, თუნდაც ბავშვობას...
და მაინც, მთიელთათვის ნაჩვევი სიჯიუტით თავს იბავშვებ, რომ ცოდვიან წუთისოფელს სამკვდრო-სასიცოცხლო ჭიდილში გამოსტაცო თუნდაც ის წამიერი გარინდება, ბავშვური სიწმინდე რომ ჰქვია და ამ სიწმინდეში აიყოლიო გზააბნეული ერი...
ჰოდა, მაინც ასწევ დამძიმებულ ქუთუთოებს, ბავშვური ზმანების გაელვებით ძალმოცემული, რათა აჩვენო დიდსა და პატარას, მორწმუნეს და ურწმუნოს, თუ როგორ შეიძლება იყო ერთდროულად წლების ულმობელ მარათონში დაბრძენებული მხცოვანი პაპაც და წლებს ადევნებული წარსულიდან იმედის რაშზე ამხედრებული ჭაღარა ბავშვიც...
და ჟამის სამივე განზომილებაში შეინარჩუნო უკიდეგანო სისპეტაკე...

ზვიად სეხნიაშვილი, 2017 წელი
ბეჭდვაელფოსტა
04.08. 2017
მარიამი
ყოვლადწმიდა სამებამ დაიფაროს და გააძლიეროს.ამინ.
სხვა სიახლეები
04.01.2020
გვესაუბრება ბოლნელი მთავარეპისკოპოსი ეფრემი (გამრეკელიძე):

-ეკლესია, ქრისტეს სამოციქულო ეკლესია, გახლავთ უფლის და ჩვენი მაცხოვრის მისტიური სხეული.
03.01.2020
მინდა გიამბოთ, თუ როგორ გამოვცადე პატრიარქის კურთხევის მადლი საკუთარ თავზე. ღვთისმეტყველებასთან და ღვთის სიტყვასთან უფალმა საკმაოდ გვიან მიმიშვა. 90-იანი წლების დასაწყისი იყო. საღვთო სჯულს ვასწავლიდი სკოლაში და დაინტერესებული ვიყავი უფლის იგავებით.
03.01.2020
ომის შემდგომი პერიოდი იყო. ყველას ძალიან გვიჭირდა. შიმშილი, სიცივე, უტრანსპორტობა - ყველაფერმა ჩვენს ზურგზე გადაიარა. ამ დროს მე და ჩემს მეუღლეს კანადელმა ბიზნესმენებმა სახარბიელო წინადადება შემოგვთავაზეს.
03.01.2020
დიდი პატივი დასდო ჩემს ოჯახს უწმინდესმა და უნეტარესმა ილია II-მ. 1990 წლის ოქტომბერში შვილი გარდაგვეცვალა. ჩემთვის ძალიან მძიმე დროს მიგვიღო, გვანუგეშა, გაგვამხნევა.
03.01.2020
დიდი პატივი დასდო ჩემს ოჯახს უწმინდესმა და უნეტარესმა ილია II-მ. 1990 წლის ოქტომბერში შვილი გარდაგვეცვალა. ჩემთვის ძალიან მძიმე დროს მიგვიღო, გვანუგეშა, გაგვამხნევა.
03.01.2020
უწმინდესზე რაიმეს თქმა თან ძნელია, თანაც - ადვილი. ძნელი იმიტომ, რომ უდიდესია მისი როლი ქართველი ერის სულიერ ცხოვრებაში. მან დანგრეული, გაპარტახებული ეკლესია ჩაიბარა, ჩაფერფლილ სულიერ ღადარს სული უბერა და კოცონი ააგიზგიზა.
25.12.2019
ჩემი ნათლია იყო მონაზონი ზოილე (დვალიშვილი) და ის მიამბობდა მამა ალექსი შუშანიას შესახებ,
04.12.2019
04. 12. 2019 ჩვენთან არს ღმერთი! დღეს არის ბედნიერი დღე – ტაძრად მიყვანება ყოვლადწმინდისა ღვთისმშობლისა. ეს არის გზა,
17.11.2019
15 და 16 ნოემბერს ტოლერანტობის საერთაშორისო დღეს, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საპატრიარქო რეზიდენციაში საქართველოში არსებული რელიგიებისა და კონფესიების ლიდერები და მათი წარმომადგენლები მიიღო.
03.11.2019
მე დღეს ქადაგება არ მექნება, შეგონება მექნება - მწუხარებამ გაგვაერთიანა ერთმანეთთან და ღმერთთან,
მუდმივი კალენდარი
წელი
დღესასწაული:
ყველა დღესასწაული
გამოთვლა
განულება
საეკლესიო კალენდარი
ძველი სტილით
ახალი სტილით
ორ სა ოთ ხუ პა შა კვ
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
ჟურნალი
ჟურნალის ბოლო ნომრები:
წმინდა ექვთიმე ღვთისკაცი
1945 წლის 11 აპრილია. პარიზიდან თბილისისკენ მოფრინავს თვითმფრინავი, რომელსაც საქართველოში სამშობლოს მონატრებული 82 წლის მოხუცი მოჰყავს.