საქართველოს მართლმადიდებელი ეკლესიის წმინდა სინოდმა ნიკორწმინდის ეპისკოპოსად არქიმანდრიტი ვახტანგ ლიპარტელიანი დაადგინა.
იგი დაიბადა 1965 წლის 25 ოქტომბერს. დაამთავრა თბილისის სახელმწიფო პოლიტექნიკური უნივერსიტეტი. 2008 წლის 13 დეკემბერს ბერად აღკვეცეს. 2009 წლის 8 მარტს ბერ-დიაკვნად დაასხეს ხელი, ხოლო 2009 წლის 27 სექტემბერს - მღვდელ-მონაზვნად.
ახალგამორჩეული ნიკორწმინდელი ეპისკოპოსი მსახურობდა მოსკოვის წმინდა გიორგის სახელობის ქართულ ტაძარში.
ვულოცავთ არქიმანდრიტ ვახტანგს მღვდელმთავრად გამორჩევას! აქსიოს! აქსიოს! აქსიოს!