ამბა მოსე ერთხელ სიძვის გულისთქმებმა შეაწუხა. კელიაში ჯდომის თავი არ ჰქონდა, წავიდა და თავისი განსაცდელის შესახებ ამბა ისიდორეს მოუყვა. ბერდიდი არწმუნებდა, - შენს კელიაში დაბრუნდიო. ის უარობდა, - არ შემიძლიაო. ამბა ისიდორემ ის სახურავზე აიყვანა და უთხრა: "გაიხედე დასავლეთით". მოსემ გაიხედა და უთვალავი დემონი დაინახა. ისინი ხმაურით საბრძოლველად ემზადებოდნენ. მერე ამბა ისიდორემ მოსე აღმოსავლეთით გაახედა, იქ კი საღვთო დიდებით შემოსილი ურიცხვი წმინდა ანგელოზი იხილა. წმინდა ისიდორემ უთხრა: "აი, ისინი, ვისაც უფალი წმინდანების დასახმარებლად გზავნის. დასავლეთით მყოფნი გვებრძვიან. ჩვენი შემწე კი უფრო მეტია". ამბა მოსემ მადლობა შესწირა ღემერთს და განმხნევებული კელიაში დაბრუნდა.