სამი ბერი, რომელთაც გულში მოყვასის სიყვარული არ ჰქონდათ, ერთ სულიერ ცხოვრებაში გამოცდილ მამასთან მივიდნენ და საქმეებით თავის ქება დაიწყეს.
პირველმა ჰკითხა: - მე ზეპირად ვისწავლე ძველი და ახალი აღთქმა და რა მომელის ამისთვისო? ბერდიდმა უპასუხა: - ჰაერი სიტყვებით აავსე, მაგრამ შენი შრომისგან სიკეთე მაინც არ გაქვსო. მეორემ: - მამაო, მე წმინდა წერილი ჩემთვის გადავწერეო. ბერმა უთხრა: - არც შენ გაქვს ამისგან სიკეთეო. მაშინ მესამემ წამოიძახა: - მე კი, მამაო, სასწაულს ვიქმო. ეგ სიკეთეს ვერ მოგიტანსო, - უთხრა ბერდიდმა და სამივეს მიმართა: თუ გინდათ ცხონდეთ, გქონდეთ ყველას მიმართ სიყვარული, გაიღეთ მოწყალება და გადარჩებითო.
ძმა ეწვია ბერდიდს და წასვლისას უთხრა: - ამბა, მაპატიე, რომ კანონის შესრულებაში ხელი შეგიშალეო. ბერმა უპასუხა: - ჩემი კანონია, რომ სტუმართმოყვარეობის მცნებით გიმასპინძლო და უკან დამშვიდებული გაგიშვაო.