ძმამ უთხრა მამა პიმენს: "დაბრკოლებული ვარ და საცხოვრებლად სხვაგან უნდა გადავიდეო".
- რა არის ამის მიზეზი? - ჰკითხა მოძღვარმა.
- ერთ ძმაზე ცუდი რაღაცები გავიგე, რომელიც ჩემს სულს ავნებს.
- შენამდე მოსული ამბავი სიცრუეა.
- არა, მართალია, მამაო, ჩემი თვალითაც ვნახე ის, რაც ასე მაბრკოლებს.
მაშინ მოძღვარმა ხის ტოტს მოჰკიდა ხელი და ჰკითხა, რა არისო.
- ტოტია.
- ეს რაღა არის? - მიუთითა მორზე, რომელზეც ეს ტოტი იყო ამოსული.
- მორია.
- დაიმახსოვრე, შენი ცოდვები მსგავსია მორისა, შენი ძმის ცოდვები კი ამ პატარა ტოტისა.
