ძველი სტილით 24 სექტემბერს (7 ოქტომბერს) ეკლესია მიროჟის ყოვლადწმინდა ღვთისმშობლის ხატის დღესასწაულს აღნიშნავს. ფსკოვში, მდინარე მიროჟის შესართავთან 1156 წელს დაარსებული მაცხოვრის მამათა მონასტერში იმყოფება ღვთისმშობლის სასწაულმოქმედი ხატი, რომელსაც ეწოდება მიროჟის ღვთისმშობლის სასწაული.
ხატზე ყოვლადწმინდა ღვთისმშობელი გამოსახულია ფეხზე მდგომი-მთელი სიმაღლით. მისგან ხელმარჯვნივ მოჩანს ფსკოვის კეთილმორწმუნე მთავარი დოვმონტი, წმინდა ნათლისღებით-ტიმოთე, ხოლო მეორე მხარეს მისი მეუღლე-თავადის ასული მარიამ დიმიტრის ასული. ისინი ლოცულობენ. მიროჟის ღვთისმშობლის ხატი 1567 წლის 24 სექტემბერს განდიდდა სასწაულებრივი ცრემლისდენით და ასევე სხვადასხვა სასწაულებით ჭირიანობისას, რომელიც ფსკოვში მეფე იოანე IX-ის დროს მძვინვარებდა. იმ დროიდან მიროჟის ღვთისმშობლის მოსახსენიებლად საგანგებო საეკლესიო მსახურებაა შედგენილი.