გადმოცემის თანახმად, დუბოვიჩის ხატი მდინარე რეტის პირას იპოვეს, სოფელ დუბოვიჩიდან ორ კილომეტრში. ერთმა მწყემსმა, რომელიც საქონელს ერეკებოდა, მათრახი გადაჰკრა, შემთხვევით იქ დავარდნილ ღვთისმშობლის ხატს მოხვდა (ვარაუდობენ, რომ ხატი სამხედრო ნადავლის წაღებისას დაუვარდათ). ხატიდან გამოვარდნილმა უჩვეულო სინათლემ მწყემსი დააბრმავა. ის გონდაკარგული იპოვეს და სოფლის მღვდელს მიუყვანეს. როცა გონს მოვიდა, ხატის ამბავს მოჰყვა. მაშინვე წავიდნენ მითითებულ ადგილას და ხატი იპოვეს. იქ შემდგომში ეკვდერი აშენდა. ხოლო ღვთისმშობლის ხატი მოგვიანებით დუბოვიჩში გადაასვენეს. ღვთისმშობლის წმინდა ხატი სასწაულქმედებითაც განდიდდა. 1917 წლის რევოლუციის შემდეგ ხატი დაიკარგა, ვარაუდობენ, რომ ძველი მოპოვების ადგილის სიახლოვეს მიწაშია დამალული.

ხატის ხსენებას უკრაინის მართლმადიდებელ ეკლესიაში აღნიშნავენ.