ყოვლადწმიდა ღვთისმშობლის ხატი «ძუძუსმაწოვებელი» - 12 (25) იანვარი
ყოვლადწმიდა ღვთისმშობლის ხატი  «ძუძუსმაწოვებელი»  - 12 (25) იანვარი
ეს ხატი ბრძანდება ათონზე, კარეესში, წმინდა საბა განწმენდილის  კელიასთან მდებარე ეკლესიაში, რომელიც ქილანდარის მონასტერს ეკუთვნის. თავიდან ხატი საბა განწმენდილის ლავრაში იყო, რომელიც იერუსალიმიდან 18 ვერსითაა დაშორებული.

აღმოსავლეთში ამ ერთადერთი ლავრის წმინდა დამაარსებელმა თავის აღსასრულთან დაკავშირებით იწინასწარმეტყველა, რომ გარკვეული დროის შემდეგ ლავრას სერბეთიდან მეფური შთამომავლობის ვინმე საბა ესტუმრებოდა და ლავრა მას ლოცვა-კურთხევის ნიშნად ძუძუსმაწოვებელი ღვთისმშობლის სასწაულმოქმედ ხატს მიუძღვნიდა.

წმინდა საბა მშვიდობით წარდგა ღვთის წინაშე VI საუკუნეში, ხოლო მისი წინასწარმეტყველება ექვს საუკუნეზე მეტი ხნის შემდეგ აღესრულა: XIII საუკუნეში პალესტინა მოინახულა წმინდა საბა სერბმა. მას გადაეცა წმინდა საბა განწმენდილის ხატი. სერბეთში დაბრუნების შემდეგ წმინდა საბამ ხატი ქილანდარის მონასტერს გადასცა.
ბეჭდვა