ყოვლადწმინდა ღვთისმშობლის სასწაულთმოქმედ ხატს "მოალერსეს" ანუ "ყოველთა სიხარულთა სიხარულს" წმინდა სერაფიმე საროველი სიცოცხლის ბოლომდე ევედრებოდა. ეს ხატი წმინდა სერაფიმე საროველის კელიაში იყო დაბრძანებული. ხატთან ჩაუქრობელი კანდელი ენთო. ამ კანდელის ზეთს აცხებდა ხოლმე წმინდა მამა კელიაში მისულ ავადმყოფებს. ფიზიკურ კურნებასთან ერთად ისინი სულიერ ნუგეშსაც იღებდნენ. ამ ხატს ხშირად ასე უწოდებდა წმინდა მამა. "სიხარული ყველა სიხარულისა".
იმპერატორმა ნიკოლოზ II - მ ხატი ძვირფასი სამოსელით დაამშვენა. 1927 წელ, დაიხურა დივეევოს მონსტერი. ამ მონასტერში იყო ღვთისმშობლის ხატი დაბრძანებული. ღვთის ნებით შესაძლებელი გახდა ამ ხატის გამობრძანება. წლების განმავლობაში ხატს ღვთისნიერი ადამიანები ინახავდნენ. 1991 წელს კი ხატი პატრიარქს - ალექი მეორეს გადაეცა და დღესაც რუსეთის საპატრიარქოშია დაბრძანებული.
შეგვეწიოს მისი ძალა და მადლი.