ხატი ადგილობრივმა მხატვარმა დახატა 1991 წელს. ორი წლის შემდეგ პირველი სასწაული მოახდინა - ცრემლი წამოუვიდა. სინოდალურმა კომისიამ დეტალურად შეისწავლა წმინდა ხატის მიერ მოხდენილი სასწაულები. მისი დასკვნის საფუძველზე უკრაინის მართლმადიდებელი ეკლესიის სინოდმა ბოიანის ღვთისმშობლის ხატი სასწაულმოქმედად აღიარა და მისი ხსენების დღე დააწესა, ხოლო იმ ტაძრის გარშემო, სადაც ეს წმინდა ხატი იყო დასვენებული, ბოიანის დედათა მონასტერი დაარსდა.