წმინდა კოზმა იერუსალიმში დაიბადა, კონსტანტონოპოლს კი იმისთვის ჩამოვიდა, რომ მშვიდი მონაზვნური ცხოვრებით ეცხოვრა. მის დიდ მორჩილებასა და ღვთივსათნო საქმეებს ყველა ძალზე აფასებდა.
90 წლის იყო, 1075 წლის 2 აგვისტოს კონსტანტინოპოლის საპატრიარქო ტახტზე რომ აღსაყდრდა.
მიუხედავად მისი დიდი მცდელობისა და წმინდა კოზმას ხელით მირონცხებულ იმპერატორ ნიკიფორე მესამის (1078 - 1081 წლები) დიდი კეთილგანწყობისა, პატრიარქი მალე დარწმუნდა, რომ იმ მძიმე ვითარების გამოსწორება არ შეეძლო, რომელშიც იმხანად ეკლესია აღმოჩნდა, ამიტომ, 1081 წლის 8 მაისს საპატრიარქო პატივზე უარი თქვა და ერთ - ერთ მონასტერში განმარტოვდა, სადაც მშვიდობით შეჰვედრა სული უფალს.
წმინდა კოზმას ლოცვით უფალმა არაერთი სასწაული აღასრულა.
იგი ხორას მონასტერში დაიკრძალა.