ღირსი ევარესტი ერისკაცობაში სერგი, გალატიაში დაიბადა, დიდგვაროვანთა ოჯახში. 23 წლისა მამასთან ერთად გაემგზავრა კონსტანტინოპოლში და თავისი შორეული ნათესავის, თეოქტისტეს ხელმძღვანელობით საერო სამსახურში ჩადგა. თეოქტისტე დედოფალ თეოდორასთან დაახლოებული იყო და შეეძლო, დახმარებოდა სერგის კარიერულ წინსვლაში. მალე ნათესავმა სწორად შეაფასა ჭაბუკის გონებრივი შესაძლებლობები და ის ბულგარეთში ბიზანტიის ელჩთა წარმომადგენლობით შემადგენლობაში ჩარიცხა. ბიზანტიიდან ბულგარეთში წარგზავნილ ელჩებს, რომელთა შორისაც ყმაწვილი სერგიც იყო, თავად თეოქტისტე ხელმძღვანელობდა.

ბულგარეთისკენ მოგზაურობის დროს სერგის შემთხვევით ხელში ჩაუვარდა ეფრემ ასურის თხზულებები. წმინდა მამის ნაწერებმა მას მონაზვნური ცხოვრების სურვილი გაუღვიძა. სერგიმ ფარულად დატოვა თანამგზავრები და წარმოშობით სკვით ბერ იოანესთან წავიდა, რომელიც სკოელის მთაზე მოღვაწეობდა რამდენიმე მოწაფესთან ერთად. მათთან სერგიმ ექვსი თვე დაჰყო, შემდეგ ბერ იოანეს სარეკომენდაციო წერილით კონსტანტინოპოლის სტუდიის მონასტერს მიაშურა. აქ ის თეოდორე სტუდიელის მოწაფის ღირს ნავკრატის უშუალო მორჩილების ქვეშ ცხოვრობდა. ბერად აღიკვეცა ევარეტის სახელით. უფლის რჩეული მშვიდობით მიიცვალა 825 წელს, სამოცდათხუთმეტი წლის ასაკში. დაკრძალეს კონსტანტინოპოლში, მის მიერვე დაარსებულ კოკოროვიის სავანეში.
.................

სურათზე: სტუდიის მონასტრის ნანგრევები თანამედროვე სტამბულში. წყარო.