იხსენებენ 1 იანვარს და რუს ახალმოწამეთა და აღმსარებელთა და სამარის წმინდანთა კრებულში.

დაიბადა 1888 წელს სამარას გუბერნიის ნიკოლაევის მაზრის სოფელ ბრაკოვკაში, გლეხის ოჯახში.

სასულიერო სემინარიაში განათლება მიიღო და მღვდლად აკურთხეს.

დააპატიმრეს 1933 წელს და მიესაჯა "ანტისაბჭოთა საქმიანობისთვის" სამი წლით საკონცენტრაციო ბანაკში გადასახლება. სასჯელი სრულად მოიხადა. 1936 წელს მამა ტროფიმე გაათავისუფლეს.

1937 წლის 30 ნოემბერს კვლავ დააპატიმრეს. მთავარეპისკოპოსის ალექსანდრესთან (ტრაპიცინის) და სხვა სასულიერო პირებთან ერთად. მას "მიწისქვეშა კონტრრევოლუციურ საეკლესიო-სექტანტურ ორგანიზაციაში მონაწილეობაში" ადანაშაულებდნენ. მან დანაშაული არ აღიარა.

1937 წლის 21 დეკემბერს შინსახკომის სამეულმა მათ სიკვდილით დასჯა მიუსაჯა.

დახვრიტეს 1938 წლის 14 იანვარს მთავარეპისკოპოს ალექსანდრესთან და სხვა სასულიერო პირებთან ერთად, დაკრძალეს კუიბიშევის საერთო საფლავში.

2000 წლის აგვისტოში რუსეთის მართლმადიდებელი ეკლესიის ეპისკოპოსთა კრებაზე იგი წმინდანად შერაცხეს რუსეთის სხვა წმინდა ახალმოწამეებთან და აღმსარებლებთან ერთად.